قاراعاندىدا وقۋشى قىز 5-قاباتتان سەكىرمەك بولدى
وقيعا مايقۇدىقتىڭ 17-شاعىن اۋدانىندا بۇگىن ورىن العان.
«وقيعا ورنىنا كەلگەن پاترۋلدىك پوليتسەيلەر شاحتينسكتىڭ 15 جاستاعى وقۋشى قىزىن قاراعاندىداعى ءۇيدىڭ شاتىرىنان تۇسۋگە كوندىردى. بۇل ىستە ولارعا قىزدىڭ دوسى كومەكتەسكەن. ارى قاراي بەلگىلى بولعانداي، قىز ناشار باعالارى ءۇشىن اناسىمەن ۇرسىسىپ، قاراعاندىعا كەلىپ، 17-شاعىن اۋدانداعى بەس قاباتتى ءۇيدىڭ شاتىرىنا شىعىپ العان. ول جەردەن اناسى مەن دوسىنا ۇيالى تەلەفون ارقىلى حابارلاسىپ، ءوز ءومىرىن قياتىنىن ايتىپ قورقىتقان»، - دەلىنگەن حابارلامادا.
كەيىن قىز تۋىستارىن قورقىتىپ، ولاردىڭ نازارىن وزىنە اۋدارماق بولعانىن ايتتى.
قازىرگى ۋاقىتتا اتالعان فاكتى بويىنشا الدىن الا تەرگەۋ جۇرگىزىلۋدە.
