الماتى وبلىسىنىڭ اكىمىنە 5 مىڭ ءىرى قارا مالدى بورداقىلاۋ الاڭى كورسەتىلدى

اكىم ءبىرىنشى كەزەكتە «وتەسبيو ازيا» ج ش س-نىڭ اقدالا اۋىلىندا ورنالاسقان مال بورداقىلاۋ الاڭىنا باردى. ونىڭ جالپى اۋماعى - 17,68 گەكتار. ونى قۇرۋعا 2,5 ميلليارد تەڭگە جۇمسالعان، بارلىق قاراجات تولىق يگەرىلىپ، كەشەن ءوز جۇمىسىن 2011 - جىلى باستادى.

سەرىكتەستىك ديرەكتورى دۇيسەن نۇرلانوۆتىڭ ايتۋىنشا، بورداقىلاۋ الاڭى ءىرى قارا مالدىڭ 5000 باسىنا ارنالعان. قازىرگى كەزەڭدە «قاز اگرو ءونىم» ا ق- نىڭ كومەگىمەن جاس بۇقالاردى بورداقىلايتىن ورىنعا دايىندىق جۇرگىزىلۋدە. بۇل جۇمىستار اياقتالعان سوڭ «سىباعا» باعدارلاماسىنىڭ اياسىندا تاعى 1900 باس مال ساتىپ الىنادى. ايماق باسشىسى ساپارىنىڭ بارىسىندا سونداي- اق زاماناۋي جاڭا تەحنولوگيالارمەن جابدىقتالعان مال سوياتىن تسەحتى قاراپ شىقتى.

ودان كەيىن اماندىق باتالوۆ باقاناس اۋىلىنداعى اگرارلىق-يندۋستريالىق كوللەدجگە بارىپ، وندا اسپازشى، شاشتاراز، كولىك جوندەۋ قىزمەتكەرلەرى، اۋىلشارۋاشىلىق ءوندىرىسىنىڭ تراكتورشى- ماشينيستەرىن دايارلايتىن بىرنەشە وقىتۋ سىنىبىنىڭ جۇمىسىمەن تانىستى. كوللەدج ديرەكتورى بەكبەرگەن ەلۋبايەۆتىڭ اتاپ وتۋىنشە، بيىلعى وقۋ جىلىندا 216 ستۋدەنت ءبىلىم الۋدا. مۇندا شەبەرحانالار مەن 200 ورىنعا ارنالعان جاتاقحانا بار.

وبلىس اكىمى قازىرگى كەزدە وڭىردەگى نارىق تالاپتارىنا وراي ورتا ءبىلىمى بار كاسىبي مامانداردى دايارلاۋ قاجەت ەكەندىگىن اتاپ ءوتتى.

ودان كەيىن الماتى وبلىسىنىڭ اكىمى اماندىق باتالوۆ اۋدان اكىمى بەيسەعالي ءجۇنىسوۆتىڭ تۇرعىندار الدىنداعى ەسەپ بەرۋىنە قاتىستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى