التىن باعاسى سوڭعى 5 ايداعى رەكوردتىق كورسەتكىشكە جەتتى
اقپان ايىنا جوسپارلانعان فيۋچەرستىك باعالار نيۋ- يوركتىڭ تاۋار بيرجاسىندا 17 دوللار 30 سەنتكە جوعارىلادى. ءسويتىپ جالپى الەمدىك نارىقتاعى قىمبات مەتالدىڭ قۇنى سوڭعى 7 كۇننىڭ ىشىندە 7,1 پايىزعا ءوستى.
بۇعان ۆاليۋتالىق نارىقتاعى قۇبىلمالى جاعداي اسەر ەتسە كەرەك. سونىڭ سالدارىنان التىنعا سۇرانىس ارتتى، - دەيدى ساراپشىلار. ال بۇل وزگەرىستەرگە بايلانىستى شۆەيتساريالىق پارلامەنت مۇشەسى ءوز پىكىرىمەن ءبولىستى.
ليۋتسي شتام، شۆەيتساريا پارلامەنتىنىڭ دەپۋتاتى:
- سوڭعى كەزدە حالىقارالىق بانكتەر التىندى ارتقا تاستاپ، اقشالارىن ماتەريالدىق قۇندىلىققا نەگىزدەمەيتىن بولدى. سالدارىنان وسىنداي تۇراقسىز جاعداي ورناپ وتىر. مۇنى ءبارى ەۋروپالىق وداق ءۇشىن، ونىڭ ىشىندە يسپانيا، گرەكيا، ءتىپتى گەرمانيا ەلدەرىنە كەرى اسەرىن تيگىزەدى.
