ا ق ش- تا دوسىنىڭ تۋعان كۇنىنە بارماعان 5 جاسار بالاعا ايىپپۇل سالىندى
پليمۋت تۇرعىنى الەكس نەش 2014-جىلدىڭ جەلتوقسانىندا دوسىنىڭ تاۋ شاڭعىسى كۋرورتىندا ءوتۋى ءتيىس تۋعان كۇنىنە بارۋى كەرەك بولاتىن. سوڭعى ساتتە ونىڭ اتا-اناسى اتا-اجەسىنە قوناققا باراتىندارىن ايتىپ، بالاسىن تۋعان كۇنگە جىبەرمەي قالعان.
بىرنەشە اپتا وتكەن سوڭ بالا مەكتەپتەن قوناققا كەلمەگەنى ءۇشىن 14,95 فۋنت تولەۋدى تالاپ ەتەتىن تۇبىرتەك الىپ كەلىپتى. وعان تۋعان كۇن يەسىنىڭ اناسى دجۋلي لوۋرەنس قول قويعان ەكەن.
قۇجاتتا تۇسىندىرىلگەندەي، مەرەكە يەسى قوناق بولا الماي قالعان الەكسكە تۋرا وسىنداي سوما جۇمساعانىن ايتىپتى. الەكستىڭ اكەسى العاشقىدا مۇنىڭ ءبارىن قالجىڭ دەپ قابىلداپ، تۇبىرتەكتىڭ ءماتىنىن وقي كەلە، شىن مانىندە ۇلىنىڭ اقى تولەۋگە مىندەتتەلگەنىنە كوز جەتكىزگەن.
ونىڭ ايتۋىنشا، ۇلىنىڭ مەرەكەگە كەلە المايتىنى جونىندە لوۋرەنس وتباسىن الدىن الا ەسكەرتپەك بولعان، ءبىراق ولاردىڭ بايلانىس تەلەفونىن تابا الماپتى.
بالانىڭ اكەسى چەك بويىنشا اقى تولەۋدەن باس تارتقان سوڭ، لوۋرەنس وتباسى ونى اقى تولەمەدى دەپ سوتقا بەرىپ وتىر.
