اۋىل شارۋاشىلىعى ونىمدەرىن وندىرۋشىلەر ءۇشىن جەر سالىعى 5 ەسەگە وسەدى - مينيستر ا. مامىتبەكوۆ
ولار مارتوك اۋدانىنداعى ءبىرقاتار اۋىلشارۋاشىلىق كاسىپورىنداردا بولدى. ودان سوڭ «اگروبيزنەس-2020» باعدارلاماسىنا وزگەرىستەر مەن تولىقتىرۋلار ەنگىزۋ جونىندە كەڭەس ءوتتى.
- وزگەرىستەر اۋىلشارۋاشىلىعىنا سالىق سالۋ سالاسىندا ورىن الماق. ونىڭ ىشىندە جەر سالىعى 5 ەسەگە ارتادى، الايدا كولىك، مۇلىك سالىقتارى ءتارىزدى ءبىرقاتار سالىقتار الىنىپ تاستالادى. قورشاعان ورتاعا قاتىستى ەميسسيا نولگە دەيىن تومەندەيدى. وسىلايشا، اۋىل شارۋاشىلىعى ونىمدەرىن وندىرۋشىلەر ءۇشىن سالىق سالماعى ارتپايدى، - دەدى ا. مامىتبەكوۆ.
سونىمەن قاتار كاسىپورىندار - اۋىل شارۋاشىلىعى ونىمدەرىن وندىرۋشىلەر ءۇشىن قوسىمشا قۇن سالىعى سالاسىندا دا وڭ وزگەرىستەر بايقالماق. اتاپ ايتقاندا، اۋىل شارۋاشىلىعى مينيسترلىگىندە ەت، ءجۇن جانە باسقا دا اۋىل شارۋاشىلىعى ونىمدەرىنىڭ زاڭسىز اينالىمىمەن كۇرەس جۇرگىزۋ جوسپارلانۋدا.
- شارۋا قوجالىقتارى قوسىمشا قۇن سالىقتارىن تولەمەيدى، ولاردىڭ ءونىمىن ساتىپ العان وڭدەۋشى كاسىپورىن بۇل سالىقتى بۇكىل اينالىمنان تولەۋى ءتيىس. ەندى وڭدەۋشى كاسىپورىن بۇكىل قوسىمشا قۇن سالىعىن ءوزى تولەگەن جاعدايدا ول بيۋدجەتتەن قايتارىلىپ بەرىلەتىن بولادى، - دەپ ءمالىم ەتتى مينيستر.
سونداي-اق مەملەكەت تاراپىنان قايتا ساقتاندىرۋ قورىن قۇرۋ ارقىلى شارۋا قوجالىقتارىن ساقتاندىرۋ بويىنشا وزگەرىستەر ەنگىزۋ جوسپارلانۋدا.
ۆەدومستۆو باسشىسى تاياۋداعى جىلدارى اۋىل شارۋاشىلىعىنىڭ دامۋىنا كەدەرگى جاساپ وتىرعان ءۇش نەگىزگى ماسەلەنى شەشۋ ماقساتى قويىلعانىن اتاپ ءوتتى، ولار: جوعارى قاتەرلەر، تومەن رەنتابەلدىلىك، تومەن كەپىلدىك بازاسى.
