عاني قاسىموۆ كاسىپكەرلىككە كەدەرگى كەلتىرەتىن باستى 5 مەملەكەتتىك ورگاندى اتادى

بۇل تۋرالى بۇگىن ق ر پارلامەنتى سەناتىنداعى ۇلتتىق كاسىپكەرلەر پالاتاسى وكىلى - كاسىپكەرلەر قۇقىعىن قورعاۋ جونىندەگى كەڭەستىڭ ءتوراعاسى عاني قاسىموۆ ايتتى.

«كاسىپكەرلەردىڭ جۇمىس ىستەۋىنە اكىمدىكتەر جانىنداعى جەر قاتىناستارى ءبولىمى بارىنشا كەدەرگى كەلتىرۋدە. ال ەكىنشى ورىندا ساۋلەت جانە قالا قۇرىلىسى باسقارماسى تۇر. بۇل سالادا دا شەشىلمەگەن ماسەلە كوپ»، - دەدى ول ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، ءۇشىنشى ورىندا سالىق ورگاندارى بولسا، ودان كەيىنگى ورىنعا مەملەكەتتىك جانە ۇلتتىق كومپانيالاردىڭ ساتىپ الۋلارىنا جاۋاپتى ورگاندار تۇراقتاعان.

«بەستىكتى تابيعي مونوپوليا تۇيىقتايدى»، - دەدى ۇلتتىق كاسىپكەرلەر پالاتاسىنىڭ وكىلى.

ع. قاسىموۆتىڭ سوزىنە قاراعاندا، 1 جىلدىڭ ىشىندە ۇلتتىق كاسىپكەرلەر پالاتاسىنا كاسىپكەردىڭ قۇقىن قورعاۋ بويىنشا 3500 گە جۋىق شاعىم تۇسكەن. ونىڭ 1200 ى ۇ ك پ-نىڭ ورتالىق اپپاراتىنا، 2200 ى وڭىرلىك كاسىپكەرلەر پالاتاسىنا جولدانعان. بۇل شاعىمداردىڭ 30 پايىزى وڭ شەشىمىن تاپقان.

«كاسىپكەرلەر ارىزىنىڭ 20 پايىزى جەر قاتىناسى، ساۋلەت-قۇرىلىس ماسەلەلەرىنە، 11 پايىزى سالىق سالاسىنا قاتىستى»، - دەدى ول.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى