بويجەتكەندەرگە ساعات 5 تە تۇرۋدىڭ قانداي پايداسى بار؟
جوعارىداعى دايەك سوزگە 2 عاسىر ۋاقىت وتسە دە، ءوز كۇشىن جوعالتپاۋدا. قىز-قىرقىننىڭ جىلى كورپەدەن شىعۋعا ەرىنىپ، تاڭەرتەڭ اسىعىس جينالىپ، ارتىنشا مەجەلەگەن جەرىنە ءوزىن رەتكە كەلتىرمەي بارا سالاتىن كەزى بولادى.
بۇل - ويانۋ ماسەلەسىنە كەلگەندەگى جىگەرسىزدىك. ءومىردىڭ قانشاما قيىن-قىستاۋ كەزەڭدەرىنە توتەپ بەرسەك تە، وياتقىشتى سوندىرە سالۋ ادەتىنەن ارىلا المايتىن سياقتىمىز. ءبىراق بۇل ادەبىىمزدەن باس تارتقان كەزدە نە وزگەرەدى؟ ەرتە تۇرۋدىڭ قانداي پايداسى بار؟
ا ق ش-تىڭ التىنشى پرەزيدەنتى بەندجامين فرانكلين «كىم ەرتە ۇيىقتاپ، ەرتە تۇرسا، سول باي، اقىلدى، مىقتى بولادى. ميىمىز ەرتە تۇرۋدىڭ باستى مىندەتى ەكەنىن ءتۇسىنۋى ءتيىس. بۇل ادەتتى كەز كەلگەنىمىز مەڭگەرە الامىز. وسى ماقساتقا جەتۋ ءۇشىن بارىمىزدى سالىپ جيناقتالايىق» دەپ ايتقان ەكەن.
جامان ەمەس. جىگەرلەندىرىپ، ماقساتىمىزعا ۇمتىلدىراتىن سوزدەر. الايدا توسەكتە جىلى كورپەنىڭ استىندا جاعداي باسقاشا. وياتقىنىڭ تەتىگىن باسۋعا قۇمارلانىپ تۇرامىز. 9 دا جۇمىستا بولۋ كەرەك بولسا، سوڭعى ساتتە ورنىمىزدان تۇرىپ، ايالداماعا جۇگىرەمىز. جۇمىسقا بارساق تا، قايدا وتىرعانىمىزدى بىلمەي الەك بولامىز. نەمەسە ساباققا بارساق، ءۇي تاپسىرماسىن كوشىرۋگە بەرشى دەپ قۇربىلارىمىزدىڭ مازاسىن الامىز.
ال ەندى ءدال وسى جاعدايدى باسقا تۇسىنان قاراستىرايىق. تاڭەرتەڭ ەرتە تۇرىپ، جاقىن ماڭداعى ستاديوندى ءبىر اينالىپ كەلدىك. وكپەمىز تازا اۋانىڭ «ءدامىن» سەزدى. الماتى سەكىلدى ۇلكەن قالادا كولىكتەردىڭ داۋسى توقتاۋسىز ەستىلىپ جاتسا دا، جايلانىپ وتىرىپ تاڭعى اسىمىزدى ىشتىك. كوڭىل-كۇيىمىز دە جاقسى.
ال ساعات 5 تە تۇرۋىمىز ءۇشىن نە ىستەۋىمىز كەرەك؟
كەيبىرى ءبىر ۋاقىتتا تۇرىپ، ءبىر ۋاقىتتا ۇيىقتاۋ كەرەكتىگىن ايتادى. ەكىنشىلەرى اعزامىز سيگنال بەرگەن كەزدە عانا ۇيقىعا جاتۋدى ۇسىنادى. ءبىراق بۇل ەكەۋىن دە دۇرىس دەپ ايتا المايمىز. ەڭ الدىمەن، 5 كۇن بويى كەشكى ساعات 10 دا ۇيىقتاپ داعدىلانۋ كەرەك. ۇيقىمىز بىزگە تاۋەلدى. بيولوگيالىق ساعاتتى ءاردايىم تۇزەپ الۋعا بولادى. مۇنىمەن قاتار كوپ مالىمەتتەردە كەلتىرەتىندەي 8 ساعات ۇيقىنىڭ دا قاجەت بولماۋى مۇمكىن. ياعني ءار ادامنىڭ ەرەكشەلىكتەرى ەسكەرىلۋى ءتيىس.
بىرىنشىدەن، ءوزىڭىزدىڭ بيولوگيالىق ساعاتىڭىزدى تىڭداپ، اعزاڭىز قالاعان ۋاقىتتا ۇيقىعا جاتىڭىز.
ەكىنشىدەن، وياتقى شىرىلداي سالىسىمەن ورنىڭىزدان تۇرىڭىز. ەسكەرتۋ! بۇل اعزاڭىز ءۇشىن قيىن سىناق بولادى! وياتقىنى ۇيقىلى-وياۋ ءوشىرىپ تاستاماس ءۇشىن الىس جەرگە قويىڭىز.
ال «التىن 2 ساعاتتا» نەمەن اينالىسقانىمىز ءجون؟
ەڭ دۇرىس شەشىمدەردىڭ ءبىرى - دەنە شىنىقتىرۋمەن اينالىسۋ. زەرتتەۋ ناتيجەسىنە سايكەس، سالاۋاتتى ءومىر سالتىن ۇستاناتىن ادامداردىڭ %90 ى جاتتىعۋدى تاڭعى ساعات 4-5 تە جاسايدى ەكەن.
تاڭەرتەڭ مىسىقتاي ماۋجىراپ ۇيقىسىن اشا المايتىن قۇربىلارىما ءبىر ۇسىنىس بار. تاڭعى ساعات 5 تە تۇرۋ ادەتىن بىرگە قالىپتاستىرساق قايتەدى؟ وسى ادەتتى قالىپتاستىرۋ ءۇشىن قالاي تىرىسقانىمىزدى، ناتيجەسى قانداي بولعاندىعىن تومەندە پىكىر رەتىندە جازايىق. مەنىڭشە، بۇل ومىردە الىنبايتىن قامال جوق!
massaget.kz
