گەولوگيالىق بارلاۋ جۇمىستارىن ۇدەتۋ ءۇشىن «قاز مۇناي گاز» 5 ميلليارد دوللار جۇمسايتىن بولادى

بۇگىن «نۇر وتان» پارتياسىنىڭ ماجىلىستەگى فراكسياسى جانىنداعى ەكونوميكالىق ساياسات كەڭەسىنىڭ وتىرىسىندا ەنەرگەتيكا ءمينيسترى ۆلاديمير شكولنيك وسىلاي ءمالىم ەتتى. ەسكە سالايىق، كەڭەستە «نۇر وتان» پارتياسى سايلاۋالدى تۇعىرناماسىنىڭ «يننوۆاتسيالىق ەكونوميكا» باعىتى بويىنشا ماسەلەلەر تالقىلانعان ەدى.

ءسوز اراسىندا مينيستر «جەر قويناۋى تۋرالى» جاڭا كودەكستىڭ ازىرلەنىپ جاتقانىن، اتالمىش قۇجاتتىڭ گەولوگيالىق بارلاۋ جۇمىستارىنا تىڭ سەرپىن بەرەتىنىن اتاپ ءوتتى.

 «اتالمىش كودەكس جوباسى گەولوگيالىق بارلاۋ جۇمىستارىنىڭ، ونىڭ ىشىندە مۇناي مەن گازدىڭ جاڭا كەن ورىندارىن بارلاۋدىڭ اۋقىمىن كەڭەيتۋ ءۇشىن حالىقارالىق ىنتىماقتاستىقتى دامىتا تۇسەدى. جاقىن ارالىقتاعى ءۇش جىلدا گەولوگيالىق بارلاۋ جۇمىستارىنىڭ قارقىنىن ۇدەتۋ ءۇشىن «قازمۇنايگاز» ۇلتتىق كومپانياسى 5 ميلليارد دوللار جۇمساۋدى جوسپارلاپ وتىر. بۇل شارانىڭ ءوزى ۇلتتىق كومپانيانىڭ راستالعان كەن قورىن 823 ميلليون توننادان، 2022 - جىلعا قاراي 1, 4 ميلليارد تونناعا دەيىن ارتتىرۋعا سەپتىگىن تيگىزبەك»، - دەدى ۆ. شكولنيك.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى