قازاقستاندا ەڭ ۇزدىك 5 ۇلتتىق كومپانيا انىقتالدى

«قازمۇنايگاز» ۇلتتىق كومپانياسى وتكەن جىلعى كوشباسشى «KEGOC» كومپانياسىن باسىپ وزىپ، ءبىرىنشى ورىنعا تۇراقتادى.

ەكىنشى ورىندى قاناعات تۇتقان «KEGOC» اق ءوزىنىڭ تابىستىلىعىن تومەندەتكەن جوق. كومپانيا كەلەسى جىلى حالىقتىق IPO- عا شىقپاق.

بيىل مەرەيتويىن تويلاعالى وتىرعان «قازاق تەلەكوم» ا ق ءۇشىنشى ورىنعا تۇراقتادى. وتكەن جىلى ۇلتتىق بايلانىس وپەراتورى ورتا بۋىننان كورىنگەن ەدى. كومپانيانىڭ بيىل ۇزدىك ۇشتىككە ەنۋى ونىڭ بولاشاققا قۇرعان جوسپارىمەن تىعىز بايلانىستى. 2014 - جىلى ۇلتتىق وپەراتور «ورلەۋ» جاڭعىرتۋ جوباسىن جۇزەگە اسىرىپ، نارىقتاعى ءوزىنىڭ كوشباسشىلىق پوزيتسياسىن بەكىتە تۇسپەك.

 «تاۋ- كەن سامۇرىق» كومپانياسى دا بيىل ناتيجەلى جۇمىس كورسەتتى. بيىل قاڭتاردا ق ر يندۋستريا جانە جاڭا تەحنولوگيالار مينيسترلىگى مەن «تاۋ- كەن سامۇرىق» ا ق اراسىندا جامبىل وبلىسىنداعى شوقپار التىن قورىن بارلاۋ تۋرالى شارتقا قول قويىلعان بولاتىن. 2022 - جىلعا قاراي «تاۋ- كەن سامۇرىق» ا ق ەلىمىزدەگى تاۋ- كەن ءوندىرىسىنىڭ ءىرى كومپانياسىنا اينالۋعا مۇددەلى.

ۇزدىك بەستىكتى وتكەن جىلعى رەيتينگتىڭ اۋتسايدەرى «قازاقستان تەمىر جولى» ۇ ق  ا ق تۇيىقتادى.

«قاز اتوم ءوندىرىس» ا ق مەن «بىرىككەن حيميالىق كومپانيا» ا ق ۇزدىكتەر بەستىگىنەن شىعىپ قالدى. ال، «قازاقستان ينجينيرينگ» ، «قازاقستان عارىش ساپارى» ، «ەير- استانا» ، «س ك- فارماتسيا» ءتيىمدى كومپانيالار ءتىزىمىنىڭ كوش سوڭىندا قالىپ وتىر.

اۆتور: گۇلميرا عوسمانالي


«قاز مۇناي گاز» ۇ ق  ا ق  


«KEGOC» اق


«قازاق تەلەكوم» ا ق


«قازاقستان تەمىر جولى» ۇ ق ا ق

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى