ىستامبۇلداعى لاڭكەستىك اكتىدەن كەيىن 59 كۇدىكتى ۇستالدى
ت ا س س- تىڭ Haber Turk تەلەارناسىنا سىلتەمە جاساپ حابارلاۋىنشا، اينالا قورشاپ ۇستاۋ انكارادا. شانلىۋرفتە، مەرسيندە، كيليستە جانە اندا ءوتتى.
بارلىعى 59 ادام ۇستالدى، ولار «يسلام مەملەكەتى» لاڭكەستىك توبىنا قاتىستى كۇدىكتەلۋدە. انكارادا 16 ادام ۇستالدى، ونىڭ 15 ءى سيريا ازاماتتارى. ولاردى ەلدەن شىعارۋعا ازىرلەۋدە. باسقا قالالاردا ۇستالعانداردىڭ كەيبىرى لاڭكەستىككە ايىپتالۋدا. پوليتسيانىڭ اتاپ وتۋىنشە، ولار مەملەكەتتىك مەكەمەلەردەگى ءالسىز جەرلەردى انىقتاپ، لاڭكەستىك اكتى جاساۋدى جوسپارلاعان.
سەيسەنبى كۇنى تاڭەرتەڭ ىستامبۇلدىڭ تاريحي ورتالىعىندا جارىلىس سالدارىنان سوڭعى مالىمەتتەر بويىنشا 10 ادام مەرت بولعان جانە 15 ادام جارالانعان. گ ف ر بيلىگىنىڭ مالىمەتتەرىنە قاراعاندا، وسى لاڭكەستىك اكتىدە سەگىز نەمىس ازاماتى قازاعا ۇشىراعان. تۇرىكتىڭ «ەني شافاك» گازەتى جەتى شەتەلدىكتىڭ مەرت بولعانىن كەلتىرەدى. قۇربان بولعانداردىڭ ۇشەۋىنىڭ كىم ەكەندىگى ءالى انىقتالعان جوق.
جارىلىس كەزىندە جاراقاتتانعان 15 ادامنىڭ ىشىندە 11 شەتەلدىك بار. جانكەشتى- لاڭكەس سۇلتاناحمەت الاڭىنداعى ترامۆاي ايالداماسىنىڭ ماڭىندا گەرمانيا تۋريستەرى توبىنىڭ قاسىندا ءوزىن جارىپ جىبەرگەن. جارالانعاندار جاقىن ماڭداعى اۋرۋحانالارعا جەتكىزىلدى. باسپا ءسوزدىڭ حابارلاۋىنشا، ولاردىڭ اراسىندا توعىز گەرمانيا ازاماتى مەن پەرۋدەن ەكى تۋريست بار.
