قوعام پروكۋراتۋرا كولىك تۇرمىستىق زورلىق- زومبىلىق: استانادا ەكى اپتادا 58 ادام قامالدى
پوليتسيا دەپارتامەنتىنىڭ اقپاراتى بويىنشا، حابارلامالاردىڭ % 20- ى - ازاماتتىق- قۇقىقتىق قاتىناستار، (مۇلىكتى ءبولۋ، جۇبايىن ەمدەلۋگە جەتكىزۋ ت. ب. ) قاراۋسىز قالدىرىلعان وتىنىشتەر.
وسى ارالىقتا 180-گە جۋىق ادام وتباسىلىق- تۇرمىستىق قاتىناستار سالاسىنداعى قۇقىق بۇزۋشىلىقتار ءۇشىن جازالاندى. 152 ادامعا قاتىستى قورعاۋ ۇيعارىمدارى شىعارىلىپ، 58 وتباسىلىق اگرەسسوردىڭ قۇقىققا قايشى مىنەز- قۇلقىن توقتاتۋ جانە تۇرمىستىق زورلىق- زومبىلىق قۇربانىن قورعاۋ ماقساتىندا ۋاقىتشا ۇستاۋ كامەراسىنا قامالدى.
ماسەلەن، استانا قالاسى مامانداندىرىلعان اۋدانارالىق اكىمشىلىك سوتىنىڭ شەشىمىمەن 20 تاۋلىككە وتباسىلىق جانجالقوي قاماۋعا الىندى. پوليتسيا قىزمەتكەرلەرى «102» ارناسىنا تۇسكەن وتباسىلىق جانجال فاكتىسى بويىنشا تەكسەرۋ كەزىندە، ەسەپتە تۇراتىن تۇلعانىڭ ۇيىندە ماس كۇيدە بولا تۇرا، وتباسىلىق جانجالدى قايتا ۇيىمداستىرىپ، وعان قاتىستى مىنەز- قۇلىققا قويىلاتىن ەرەكشە تالاپتاردى بۇزعانىن انىقتادى.
تۇرمىستىق زورلىق- زومبىلىق ءۇشىن جاۋاپكەرشىلىكتى كۇشەيتۋ بويىنشا ەنگىزىلگەن وزگەرىستەر قىلمىستىق كودەكستە 19 -مامىردان باستاپ، ال اكىمشىلىك قۇقىق بۇزۋشىلىق تۋرالى كودەكستە 1 -شىلدەدەن باستاپ زاڭدى كۇشىنە ەندى.
«زاڭنامالىق وزگەرىستەر تۇرمىستىق قۇقىق بۇزۋشىلىقتاردى تىركەۋگە قاتىستى بولدى. ءوتىنىش بەرۋشىدەن انىقتاۋ سيپاتىنا كوشۋ تۋرالى زاڭ، تۇرمىستىق زورلىق- زومبىلىق فاكتىسى بويىنشا اكىمشىلىك قۇقىق بۇزۋشىلىق تۋرالى ءىستى جابىرلەنۋشىلەردىڭ ءوتىنىشىنسىز قوزعاۋعا مۇمكىندىك بەرەدى. تاراپتاردىڭ تاتۋلاسۋ مۇمكىندىگى قىسقاردى، ياعني سوتتا ءبىر رەت عانا تاتۋلاسۋعا بولادى.
تۇزەتۋلەر زاڭدى كۇشىنە ەنگەنگە دەيىن وتباسىلىق- تۇرمىستىق سالاداعى قۇقىق بۇزۋشىلىق فاكتىسى بويىنشا بارلىق وتىنىشتەردىڭ % 70 قاراۋسىز قالاتىن. كوبىنەسە بۇل جاعداي ءوتىنىش بەرۋشىلەردىڭ ارىز بەرگەننەن كەيىنگى العاشقى تاۋلىكتە ءوزارا تاتۋلاسىپ، ءارى قاراي تالقىلاۋدان باس تارتۋىنا بايلانىستى تۋىندايتىن. كەيبىر جاعدايلاردا بۇل پوليتسياعا جۇگىنۋ قۇقىعىن تەرىس پايدالانۋ فاكتىلەرىنە اكەپ سوعاتىن جانە وتباسىلىق جانجال جاعدايىندا مانيپۋلياتسيا قۇرالى رەتىندە قولدانىلعان.
تۇرمىستىق قىلمىستىڭ الدىن الۋدىڭ تۇبەگەيلى جاڭا تەتىگىن ەنگىزۋ وتباسىلىق- تۇرمىستىق زورلىق- زومبىلىق قۇربانىنا قىسىم جاساۋ فاكتىلەرىن بولدىرماۋعا مۇمكىندىك بەرەدى. سونداي- اق، جازانىڭ بۇلتارتپاۋشىلىعى قاعيداتىن ىسكە اسىرۋعا جانە اگرەسسورلاردى قايتا تاربيەلەۋگە ىقپال ەتەدى»، - دەپ مالىمدەيدى قالالىق پوليتسيا دەپارتامەنتىنەن.
