ك س ر و تولقۇجاتىمەن جۇرگەن اتىراۋلىق 58 جاسىندا جەكە كۋالىگىن الدى
ونىڭ ءتولقۇجاتىن جاڭارتپاۋىنا وتباسىلىق جاعدايى سەبەپ بولعان، دەپ حابارلايدى قازاقپارات ءتىلشىسى.
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ك س ر و ءتولقۇجاتىن اۋىستىرماعان 58 جاستاعى تورەمۇرات قاميەۆ يندەر اۋدانىندا تۇرادى. ونىڭ ەسكى تولقۇجاتپەن جۇرگەنىنە 29 جىل بولعان.
«ەر ادامنىڭ جەكە باسىن كۋالاندىراتىن ءتولقۇجاتىن 1993-جىلدان بەرى اۋىستىرماي، كەڭەستىك سوتسياليستىك رەسپۋبليكالار وداعى كەزىندە بەرىلگەن ەسكى ۇلگىدەگى تولقۇجاتپەن جۇرگەنى انىقتالدى. سول سەبەپتەن، 58 جاستاعى تۇرعىن يندەر اۋداندىق پوليتسيا ءبولىمى كوشى-قون قىزمەتى توبىنىڭ قىزمەتكەرلەرىنە جۇگىنىپ، جەكە كۋالىگىن جاڭارتۋ جونىندە ءوتىنىش جاساعان. اتالعان ازاماتتىڭ ءوتىنىشى بويىنشا كوشى-قون قىزمەتى توبىنىڭ قىزمەتكەرلەرى ونىڭ قازاقستان رەسپۋبليكاسىنىڭ ازاماتتىعىنا قاتىستىلىعىن انىقتاۋدى جۇرگىزىپ، جاڭادان جەكە باسىن كۋالاندىراتىن قۇجاتىن دايىنداپ بەردى. تۇرعىننىڭ ايتۋىنشا، ونىڭ وسىنشا ۋاقىت ارالىعىندا قۇجاتىن جاڭارتپاۋىنا وتباسىلىق جاعدايى سەبەپ بولعان»، - دەپ حابارلادى دەپارتامەنتتىڭ باسپا ءسوز قىزمەتى.
قازاقستان رەسپۋبليكاسىنىڭ جاڭا ۇلگىدەگى جەكە كۋالىگىن العان ازامات كوشى-قون قىزمەتى توبى قىزمەتكەرلەرىنىڭ قىسقا مەرزىمدە اشىقتىق پەن ىڭعايلى قىزمەت كورسەتۋ قاعيداسىن نازارعا الىپ، مەملەكەتتىك قىزمەت كورسەتۋدى ۇيىمداستىرعانىنا العىسىن ءبىلدىردى.
ەسكە سالا كەتەلىك، بۇعان دەيىن ح ق ك و- دا ءتولقۇجات پەن جەكە كۋالىكتى ىڭعايلى ءارى جىلدام جولمەن قالاي الۋعا بولاتىنى جازىلعان ەدى.
سونداي-اق، ح ق ك و- لاردا قۇجاتتاندىرۋ قىزمەتتەرىن الۋ كەزىندە سالىق كودەكسىنە سايكەس، كليەنتتەردىڭ بەلگىلى ءبىر ساناتى مەملەكەتتىك باج تولەۋدەن بوساتىلاتىنىن بىلە ءجۇرىڭىز.
ال، اقمولا وبلىسىنداعى حالىققا قىزمەت كورسەتۋ ورتالىقتارىندا مۇمكىندىگى شەكتەۋلى ادامدارعا ءتولقۇجات العانى ءۇشىن مەملەكەتتىك باجدار نەگىزسىز سالىنعان.
