كوروناۆيرۋس: ەلوردادا ينفەكسيالىق ستاتسيونارلار 58 پايىزعا تولى
بۇل تۋرالى ەلوردا اكىمىنىڭ ورىنباسارى باقتيار ماكەن ۇكىمەتتىك ەمەس ۇيىم وكىلدەرىمەن وتكەن «دوڭگەلەك ۇستەلدە» ايتتى، دەپ حابارلايدى قازاقپارات ءتىلشىسى.
«قالامىز 2021 -جىلدىڭ 10-ناۋرىزىنان باستاپ ەپيدەمولوگيالىق جاعدايدى باعالاۋ ماتريتساسى بويىنشا «قىزىل» ايماقتا تۇر. كۇنىنە كوروناۆيرۋس ينفەكسياسىنىڭ 200-500-دەن استام جاعدايى تىركەلەدى. قالانىڭ ينفەكسيالىق ستاتسيونارلارىندا توسەك- ورىن جۇكتەمەسى %58 قۇرايدى»، - دەيدى اكىمدىك وكىلى.
ول سونداي-اق، كوروناۆيرۋس ينفەكسياسى بار ناۋقاستاردىڭ جاعدايى قالا باسشىلىعىنىڭ تۇراقتى باقىلاۋىندا ەكەنىن اتاپ ءوتتى.
«كوروناۆيرۋس ينفەكسياسىن انىقتاۋعا ارنالعان تەستىلەۋدى كەڭىنەن قامتۋ تۇرعىندار اراسىندا كورونوۆيرۋسپەن اۋىرعانداردى انىقتاۋدى ەداۋىر ارتتىردى. بۇل ەمدەۋدى ۋاقتىلى تاعايىنداۋعا مۇمكىندىك بەرۋدە»، - دەدى باقتيار ماكەن.
ونىڭ ايتۋىنشا، ءساۋىر ايىنىڭ باسىنان بەرى ەلوردادا 100 مىڭنان استام ادام ۆاكسينا الىپ ۇرگەرگەن.
