قازاقستاننىڭ بۇرىنعى 581 ازاماتى قوس ازاماتتىعى ءۇشىن جازالاندى

دەپ حابارلايدى قازاقپارات.

 ق ر ءى ءى م باسپا ءسوز قىزمەتىنىڭ مالىمەتىنشە، قازاقستاننىڭ ازاماتتىعىنا قابىلداۋ تۋرالى ءوتىنىش بەرۋ كەزىندە قاساقانا جالعان مالىمەتتەر ۇسىنعان 2 شەتەلدىك ازاماتقا ايىپپۇل سالۋ تۇرىندەگى جازا قولدانىلدى.

بۇدان بولەك، ق ر ازاماتتىعىنىڭ ءتولقۇجاتىن نەمەسە جەكە كۋالىگىن پايدالانعانى ءۇشىن قازاقستان ازاماتتىعىن جوعالتقان 281 ادامعا ايىپپۇل سالىندى. شەتەل ازاماتتىعىن الۋ تۋرالى حابارلاماعانى ءۇشىن جاۋاپكەرشىلىككە 294 ادام تارتىلدى، ونىڭ ىشىندە 166-سىنا ايىپپۇل، 128-ىنە ەل اۋماعىنان شەتتەتۋ جازاسى قولدانىلدى.

 اتاپ ايتقاندا، ق ر كونستيتۋتسياسىنىڭ 10-بابىنا سايكەس قازاقستان رەسپۋبليكاسىنىڭ ازاماتتارى باسقا مەملەكەتتىڭ ازاماتى بولا المايدى. وسىعان بايلانىستى ەگەر باسقا مەملەكەتتىڭ ازاماتتىعىن السا، «ق ر- دىڭ ازاماتتىق تۋرالى» زاڭىنا سايكەس قازاقستاندىق ازاماتتىق جويىلادى. قازاقستاندىق ازاماتتىقتا تۇرعان جانە شەت مەملەكەتتىڭ ازاماتتىعىن العان ادامدار باسقا ازاماتتىقتى قابىلداعان كۇننەن باستاپ وتىز كۇننىڭ ىشىندە قازاقستاننىڭ ىشكى ىستەر ورگاندارىنا نەمەسە قازاقستان رەسپۋبليكاسىنىڭ شەتەلدەگى مەكەمەلەرىنە شەتەلدىك ازاماتتىقتى قابىلداعان فاكتىسى تۋرالى حابارلاۋعا جانە قازاقستان رەسپۋبليكاسىنىڭ ءتولقۇجاتى مەن جەكە كۋالىگىن تاپسىرۋعا مىندەتتى. شەتەلدىڭ ازاماتتىعىن قابىلداعانى تۋرالى بەلگىلەنگەن مەرزىم ىشىندە حابارلاماعانى ءۇشىن قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىككە تارتىلادى.

 اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى