ق ر پرەزيدەنتتىگىنە ءاربىر كانديداتتىڭ سايلاۋ قورىنىڭ مولشەرى 577 ميلليون تەڭگەدەن اسپاۋى ءتيىس
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆ ءمالىم ەتتى.
پرەزيدەنت سايلاۋىن جۇرگىزۋگە قاراجات رەسپۋبليكالىق بيۋدجەتتەن بولىنەتىندىگىن اتاپ وتكەن ول: «سونىمەن قاتار پرەزيدەنتتىككە كانديداتتار ۇگىت ناۋقانىن جۇرگىزۋ ءۇشىن سايلاۋ قورلارىن قۇرۋعا قۇقىلى.
سايلاۋ قورى كانديداتتىڭ جەكە قاراجاتىنان جانە كانديداتتى ۇسىنعان قوعامدىق بىرلەستىكتىڭ، ازاماتتار مەن ۇيىمدار ەرىكتى تۇردە كورسەتەتىن قارجىلاي كومەكپەن قۇرىلادى. ءاربىر كانديداتتىڭ سايلاۋ قورىنىڭ مولشەرى 577 ميلليون تەڭگەدەن اسپاۋى ءتيىس»، - دەدى.
ونىڭ ايتۋىنشا، ورتالىق سايلاۋ كوميسسياسىنىڭ تاپسىرىسى بويىنشا ەل ازاماتتارىنا پرەزيدەنتتىك سايلاۋدى جەتكىزۋ ماقساتىندا روليكتەر، پلاكاتتار، بيلبوردتار، سونىمەن قاتار باسپا ونىمدەرى دايىندالادى.
اۆتور: مارلان جيەمباي
