ا ق ش پەن كانادادا سۋىقتان كوز جۇمعاندار سانى 56 ادامعا جەتتى
ا ق ش- تىڭ 12 شتاتىندا اۋا رايىنا بايلانىستى ەسكەرتۋ جاريالاندى. ا ق ش- تىڭ ۇلتتىق مەتەورولوگيالىق قىزمەتى ەلدە بۇرىن- سوڭدى بولماعان قىس بولىپ جاتىر دەپ تۇجىرىمدادى. قاتتى سوققان قارلى بوران سولتۇستىكتەگى كانادادان وڭتۇستىكتەگى ريو-گراندەگە دەيىنگى ارالىقتى قامتىدى.
ا ق ش پەن كاناداداعى اۋا رايىنىڭ قولايسىزدىعىنان 56 ادام قازا تاپتى.
اسىرەسە نيۋ-يورك شتاتىنداعى بۋففالو قالاسىندا جاعداي اسا اۋىر. شتات گۋبەرناتورى كەتي حوۋلدىڭ ايتۋىنشا، قازا تاپقانداردىڭ كوبى جول-كولىك وقيعاسىنىڭ قۇرباندارى. جول-كولىك قوزعالىسى قاتتى قيىنداعان. ونىڭ ايتۋىنشا كوپتەگەن جەدەل جاردەم كولىكتەرى زارداپ شەككەن ايماقتارعا جەتە الماي، قارعا باتىپ قالۋدا. بورانعا بايلانىستى ۆەرمونت، وگايو، ميسسۋري، ۆيسكونسين، كانزاس جانە كولورادو شتاتتارىندا دا ادام ءولىمى تىركەلدى. وڭتۇستىك فلوريدادا تەمپەراتۋرانىڭ ايتارلىقتاي تومەندەۋىنەن وسىمدىكتەر زاتتى زارداپ شەككەن.
بۇعان دەيىن ا ق ش- تاعى قارلى بوران سالدارىنان 30 عا جۋىق ادام قازا تاپقانىن حابارلاعان بولاتىنبىز.
