كوروناۆيرۋستان 56 مەملەكەتتە ءولىم-ءجىتىم ارتتى
بۇل تۋرالى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ءمالىم ەتىلدى، دەپ حابارلايدى قازاقپارات.
ۇلى بريتانيادا كوروناۆيرۋستىڭ تارالۋ قارقىنى ارتىپ كەلەدى. زەرتتەۋ ماتەريالدارىنا سايكەس 2020 -جىلدىڭ مامىر ايىنان باستاپ ەڭ جوعارى كورسەتكىش تىركەلدى. وتكەن تاۋلىكتە SARS- CoV-2-ىندەتىنىڭ 41299 تاسىمالداۋشىسى انىقتالدى. ەل ۇكىمەتىنىڭ مالىمەتى بويىنشا ناۋقاستاردىڭ جالپى سانى 9171660 قا جەتتى.
ال ۇلى بريتانيادا سوڭعى 24 ساعات ىشىندە 214 ناۋقاس قايتىس بولدى، ەپيدەميادان زارداپ شەككەندەردىڭ جالپى سانى 141181 دەن اسىپ جىعىلدى. قازىرگى ۋاقىتتا ۆيرۋسقا قارسى ەكپەنىڭ ءبىرىنشى كومپونەنتىمەن 50071683 ادام ۆاكسينالاندى نەمەسە ەل حالقىنىڭ %73,8، ال 45752487 بريتاندىق، ياعني %67,4 تولىق ۆاكسيناتسيا كۋرسىنان ءوتتى. دۇنيەجۇزىلىك دەنساۋلىق ساقتاۋ ۇيىمى ءولىم-ءجىتىمنىڭ جوعارىلاۋىنا جانە كوروناۆيرۋس ينفەكسياسىنىڭ تارالۋىنا الاڭداۋشىلىق بىلدىرەدى. د د س ۇ باسشىسى تەدروس گەبرەيەسۋس 50-دەن استام ەلدە كوروناۆيرۋستان قايتىس بولۋ دەرەكتەرىنىڭ كۇرت وسكەنىن مالىمدەدى. «وتكەن اپتادا بارلىق وڭىردەگى 56 ەل COVID-19 سالدارىنان ءولىم- ءجىتىمنىڭ % 10 استامعا وسكەنىن حابارلادى»، - دەدى گەبرەيەسۋس.
د د س ۇ باسشىسىنىڭ ايتۋىنشا، اپتا سايىنعى ءولىم-ءجىتىم 50 مىڭنان استام ادامدى قۇرايدى. وسىعان بايلانىستى گەبرەيەسۋس د د س ۇ شۇعىل قولدانۋ ءۇشىن ۇسىنعان دامىعان ەلدەر مەن ۆاكسينا وندىرۋشىلەرىن COVAX حالىقارالىق باعدارلاماسىنا بەلسەندى قاتىسۋعا جانە ۆاكسينالاردى ساتىپ الۋ ءۇشىن افريكالىق جۇمىس توبىنا ءدارى-دارمەكتەردى جىبەرۋگە شاقىردى.
