ماسكەۋ اۋەجايىندا قازاقستانعا باراتىن جۇكتەن 56 مىڭ ەۋرونى ۇرلاعان
«رەسەي ءى ءى م جەلىلىك باسقارماسىنىڭ شەرەمەتيەۆو اۋەجايىنداعى كەزەكشىلىك بولىمىنە ماسكەۋلىك كوممەرتسيالىق بانكتىڭ ءبىرىنىڭ وكىلى جۇكتىڭ ءبىرشاما بولىگىنىڭ جەتىسپەيتىندىگىنە شاعىمدانعان.
ەر ادام وتكەن اپتادا ءىرى سوماداعى قارجى - 5 ميلليونعا جۋىق ەۋرونى شەرەمەتەۆو اۋەجايى ارقىلى قازاقستان رەسپۋبليكاسىنا جىبەرمەك بولعان.
ۇشاق ءتيىستى ورىنعا جەتكەننەن كەيىن جۇك قابىلداۋشى 56 مىڭ 500 ەۋرونىڭ جەتىپسەيتىندىگىن انىقتاعان»، - دەپ اتاپ ءوتتى ي. ۆولك.
ونىڭ ايتۋىنشا، پوليتسەيلەر كۇدىكتى رەتىندە اۋەجايدا جۇمىس ىستەيتىن پودموسكوۆيا تۇرعىنىن ۇستاعان.
«ەر ادام ىستەگەن قىلمىسىن مويىندادى. ونى تەكسەرۋ بارىسىندا 10 مىڭ ەۋرو تابىلدى، قالعان سوما ونىڭ ۇيىنەن شىقتى»، - دەدى ي. ۆولك.
