قازاقستاندا 56 جەر ۋچاسكەسىنىڭ قويناۋىن پايدالانۋ قۇقىعى ساتىلدى
اۋكسيونعا بارلىعى 109 جەر ۋچاسكەسى قويىلدى. سونىڭ ىشىندە پايدالى قازبالار بويىنشا: 45 التىن، ونىڭ 43 ى بارلاۋعا جانە 2 ەۋى وندىرۋگە ارنالعان جەر قويناۋى؛ 45 ءتۇستى مەتالدار، ونىڭ 3 ەۋى وندىرۋگە جانە 42 سى بارلاۋعا ارنالعان؛ 7 قارا مەتالل، بارلىعى بارلاۋعا ارنالعان؛ 3 سيرەك كەزدەسەتىن مەتال، ونىڭ 1 ەۋى وندىرۋگە جانە 2 ەۋى بارلاۋعا ارنالعان؛ 9 وزگە دە پايدالى قازبالارعا قاتىستى (گرافيت، كۆارتسيت، ەمدىك بالشىق، حريزوپراز، فليۋوريت، حالسەدون، بۇرعىلاۋ كەنى)، ونىڭ 6 اۋى وندىرۋگە جانە 3 ەۋى بارلاۋعا ارنالعان.
اۋكسيونعا گەولوگيالىق بارلاۋ جۇمىستارىن قاجەت ەتەتىن جەر قويناۋى ۋچاسكەلەرى شىعارىلدى.
وتىنىشتەردى قابىلداۋ 2017 -جىلعى 27 -قاراشا كۇنى اياقتالدى.
اۋكسيونعا 58 جەر قويناۋى ۋچاسكەلەرى بويىنشا گەولوگيالىق بارلاۋ جۇمىستارىن جۇرگىزۋگە ارنالعان 50 جانە 9 ءوندىرۋ نىساندارىن قوسقاندا، بارلىعى 101 كومپانيا قاتىستىرىلدى.
جەڭىمپازدى انىقتاۋدىڭ جالعىز جانە باستى شارتى - قاتىسۋشىلار ۇسىنعان قول قويىلعان بونۋس مولشەرىنىڭ نەعۇرلىم كوپ بولۋى بولدى.
جالپى كولەمى 100 ميلليون استام تەڭگەنى قۇرايتىن، 58 جەر قويناۋى ۋچاسكەسىنىڭ ىشىنەن 56 جەر ۋچاسكەسى بويىنشا جەڭىمپازدار انىقتالدى. جالپى قول قويىلعان بونۋس 4 ميلليارد تەڭگەگە دەيىنگى سومانى قۇرادى.
اۋكسيون جەڭىمپازىمەن جالپى مەرزىمى 6 جىلدى قۇرايتىن كەلىسىمشارت جاسالادى. قازاقستان رەسپۋبليكاسىنىڭ «جەر قويناۋى جانە جەر قويناۋىن پايدالانۋ تۋرالى» زاڭىنا سايكەس، جەر قويناۋىن پايدالانۋشى كەلىسىمشارت اۋماعىن كەلىسىمشارتتا كوزدەلگەن ماقساتتا عانا پايدالانۋى ءتيىس.
اۋكسيوننان گەولوگيا سالاسىنا ينۆەستيتسيا تارتۋ، قازاقستان رەسپۋبليكاسى اۋماعىندا گەولوگيالىق زەرتتەلۋدى جوعارىلاتۋ، رەسپۋبليكالىق جانە جەرگىلىكتى بيۋدجەتكە سالىقتىق تولەمدەر، جاڭا جۇمىس ورىندارىن قۇرۋ، جەرگىلىكتى قامتۋدى دامىتۋ، جەرگىلىكتى حالىق ىشىنەن مامانداردى وقىتۋ جانە قايتا دايارلاۋ، قايتا وڭدەۋشى كاسىپورىنداردى باسەكەلەستىككە دايارلاۋ سىندى الەۋمەتتىك- ەكونوميكالىق پايدا كۇتىلۋدە.
