شەكاراشىلار وڭتۇستىك قازاقستاندا زاڭسىز جۇرگەن 56 شەتەلدىك ازامات ۇستالدى
اتاپ ايتقاندا، شەكارا قىزمەتىنىڭ «وڭتۇستىك» وڭىرلىك باسقارماسىنا قاراستى «قاسقاسۋ» زاستاۆاسىنىڭ شەكاراشىلارى جەرگىلىكتى كوشى-قون پوليتسياسىنىڭ قىزمەتكەرلەرىمەن بىرلەسە وتىرىپ وڭتۇستىك قازاقستان وبلىسى تولەبي اۋدانىنىڭ «تەكەسۋ» ەلدى مەكەنىندە زاڭسىز جۇرگەن وزبەكستان رەسپۋبليكاسىنىڭ 20 ازاماتىن ۇستادى.
ۇستالعاندار و ق و تولەبي اۋداندىق پوليتسياسىنا بەرىلدى.
قازاقستان- وزبەكستان شەكاراسىندا ورنالاسقان «جىبەك جولى» باقىلاۋ- وتكىزۋ بەكەتىنىڭ شەكارا ناريادى ەلىمىزدە بولۋ ءتارتىبىن بۇزعان وزبەكستان رەسپۋبليكاسىنىڭ 24 ازاماتىن ۇستادى.
ۇستالعاندار ەلىمىزدە بولۋ ءتارتىبىن بۇزعاندارى ءۇشىن اكىمشلىك جازاعا تارتىلدى.
سونداي- اق ەلىمىزدىڭ باتىسىنداعى شەكارا قىزمەتىنىڭ «جاعالاۋ كۇزەتى» وڭىرلىك باسقارماسىنا قاراستى «فەتيسوۆو» زاستاۆاسىنىڭ شەكاراشىلار زاستاۆادان 40 شاقىرىمداي جەردەگى «كەندىرلى» ءمۇيىسىنىڭ ماڭىنان ەلىمىزدە ءجۇرۋ ءتارتىبىن بۇزعان وزبەكستان رەسپۋبليكاسىنىڭ 12 ازاماتىن ۇستادى. ولاردىڭ قولىندا قازاقستان رەسپۋبليكاسىندا جۇمىس ىستەۋگە قۇقىق بەرەتىن ءتيىستى قۇجاتتارى دا بولماي شىقتى.
ۇستالعان ازاماتتار باتىس قازاقستان وبلىسىنىڭ قاراقياق اۋداندىق پوليتسياسىنا بەرىلدى.
