قازاقستاندا جارتى جىلدا 5650 توننا ۋران ءوندىرىلدى

«2014- جىلدىڭ II توقسانىنىڭ قورىتىندىسى بويىنشا قازاقستان رەسپۋبليكاسىندا وندىرىلگەن ۋران كولەمى جوسپارلىق كورسەتكىشتەرگە سايكەس، 5650 توننانى قۇرادى. «قازاتومونەركاسىپ» ۇ ا ك» ا ق ەنشىلەس جانە باعىنىشتى كاسىپورىندارداعى ۇلەسىن قوسا ەسەپتەگەندە 2014- جىلدىڭ II توقسانىندا 3278 توننا كولەمىندە ۋران ءوندىردى»، - دەلىنگەن حابارلامادا.

ەسەپتى كەزەڭدە «ءۇلبى مەتاللۋرگيا زاۋىتى» ا ق 476 توننا بەريللي جانە 65 توننا تانتال ونىمدەرىن شىعاردى.

«م ا ە ك- قازاتومونەركاسىپ» ج ش س 2014- جىلدىڭ ءساۋىر-ماۋسىم ايلارىندا اقتاۋ قالاسى مەن ماڭعىستاۋ وبلىسىنداعى تۇتىنۋشىلار ءۇشىن 1153 ميلليون كۆت ساعات ەلەكتر ەنەرگياسىن، 650 مىڭ گكال جىلۋ ەنەرگياسىن، 313 ميلليون تەكشە مەتر سۋ، سونىڭ ىشىندە 3,05 ميلليون تەكشە مەتر اۋىز سۋ ءوندىردى. بۇل كورسەتكىشتەر ءوڭىردىڭ قۋات رەسۋرستارى مەن سۋعا بولعان سۇرانىسىن قاناعاتتاندىرا الادى.

«قازاتومونەركاسىپە» ۇ ا ك» ا ق ءوزىنىڭ دامۋ باعدارلاماسىنا سايكەس ەكىنشى توقساندا دا كومپانيا قىزمەتىنىڭ ستراتەگيالىق باعىتتارى بويىنشا كونۆەرسيا، بايىتۋ جانە يادرولىق وتىن ءوندىرۋ سالالارىنداعى جۇمىستارىن تابىسپەن جالعاستىردى.

«SARECO» ب ك» ج ش س 2014- جىلدىڭ II توقسانىندا سيرەك جەر مەتالداردىڭ ۇجىمدىق كونسەنتراتىن ءبولۋ جانە ودان ءارى جاپونياعا جەتكىزۋ ءۇشىن جونەلتۋدى باستادى.

«Astana Solar» ج ش س II توقساندا جيىنتىق قۋاتى 2,2 مۆت ەنەرگياعا تەڭ 9231 پانەل شىعاردى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى