ەلىمىزدە ەڭبەككە قابىلەتتى 55 مىڭعا جۋىق ادام الەۋمەتتىك جاردەماقىعا ارقا سۇيەپ، جۇمىس ىستەگىلەرى كەلمەيدى - س. جاقىپوۆا

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى سۆەتلانا جاقىپوۆا ايتتى.

«جالپى، اتاۋلى الەۋمەتتىك جاردەماقى ازاماتتىڭ تابىسى ازىق- تۇلىك سەبەتى مەن كۇنكورىس قاجەتتىلىگى كورسەتكىشىنىڭ 40 پايىزىنان كەم بولعان جاعدايدا عانا بەرىلەتىندىگى بەلگىلى. الايدا الەۋمەتتىك جاردەماقى الاتىن ازاماتتاردىڭ ىشىندە 55 مىڭعا جۋىق ادام مەملەكەت تاراپىنان ۇسىنىلعان ءتۇرلى باعدارلامالار اياسىندا جۇمىس ىستەۋگە قۇلىق تانىتار ەمەس. ويتكەنى، ولاردىڭ جاسىرىن ءارى زاڭسىز از دا بولسا تابىستارى بار ەكەندىگى بەلگىلى»، - دەدى ول.

سوندىقتان دا ونىڭ ايتۋىنشا، ۇكىمەت ءدال وسى باعىتتاعى جۇمىستاردى قولعا الىپ وتىر. العاشقى ناتيجەلەر دە بار.

«ماسەلەن، ءبىز «جول كارتاسى-2020» باعدارلاماسى اياسىندا مۇگەدەك بولسا دا، ەڭبەك ەتۋگە قابىلەتتى 12 مىڭعا جۋىق ادامدى جۇمىسقا تارتتىق»، - دەگەن س. جاقىپوۆا 3,7 مىڭ مۇگەدەك ءتۇرلى قوعامدىق جۇمىستارعا بەلسەندى قاتىسىپ، 761 ادام الەۋمەتتىك جۇمىستارعا ورنالاستىرىلعاندىعىن اتاپ ءوتتى.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى