استانا پوليتسياسى جول ەرەجەسىن 555 رەت بۇزعان كولىك يەسىن ىزدەستىرۋدە
ولاردى پوليتسيا ىزدەۋدە. ايىپپۇلداردىڭ جالپى سوماسى 106858960 تەڭگەنى قۇرادى، دەپ حابارلايدى قازاقپارات ەلوردا ينفو سايتىنا سىلتەمە جاساپ.
ەڭ كوپ ايىپپۇل - 6225405 تەڭگە. ول Kia Rio جانە Škoda ماركالى ەكى اۆتوكولىككە ءبىر ءنومىر تاعىپ العان جۇرگىزۋشىگە تيەسىلى.
ايتا كەتسەك، Comfort ساناتىنداعى Kia Rio كولىگىنىڭ قۇنى 2018 -جىلى 5,7 ميلليون تەڭگەنى، ال Škoda Rapid Ambition-نىڭ 2019-جىلعى باعاسى 6 ميلليون 290 مىڭ تەڭگەنى قۇرادى. ماشينالاردىڭ يەسى جولدا ءجۇرۋ ەرەجەسىن 555 رەت بۇزعان.
«استانالىق پوليتسيا دەپارتامەنتى وتكەن جىلدىڭ ءساۋىر ايىنان باستاپ «بورىشكەر» جەدەل-الدىن الۋ ءىس-شارالارىن وتكىزدى. ولاردىڭ شەڭبەرىندە قالا اۋماعىندا، سونداي-اق بارلىق «رۋبەج» بەكەتتەرىندە كولىك اعىنىن باقىلاۋدىڭ اۆتوماتتى جۇيەسىن، ەلەكتروندىق پلانشەتتەردى جانە «سەرگەك» اپپاراتتىق-باعدارلامالىق كەشەنىن پايدالانا وتىرىپ، اكىمشىلىك ايىپپۇل بويىنشا بورىشكەرلەر انىقتالدى. جەدەل-الدىن الۋ ءىس-شارالارىن وتكىزۋ كەزىندە بازادا جوق، جالعان نەمەسە شەتەلدىك نومىرلەر مەن جالعان مەكەنجاي كورسەتىلگەن 800 گە جۋىق جۇرگىزۋشى توقتاتىلدى»، - دەلىنگەن «استانا Innovations» ا ق- نىڭ باسپا ءسوز حابارلاماسىندا.
قازىرگى تاڭدا قالالىق پوليتسيا دەپارتامەنتى جالعان نەمەسە شەتەلدىك نومىرلەرمەن جۇرەتىن جانە ءوزىن جازاسىز سەزىنەتىن ءتارتىپ بۇزۋشىلاردى انىقتاۋدا.
استانادا وتكىزىلگەن كەشەندى ءىس- شارالاردىڭ ارقاسىندا جول-كولىك وقيعالارىنىڭ سانى - %15، جول اپاتتارىندا زارداپ شەككەندەردىڭ سانى - %16 جانە جولدارداعى ءولىم-ءجىتىم %48 ازايدى.
