كوكشەتاۋدا قازاق حاندىعىنىڭ 550 جىلدىعىنا وراي كورمە ۇيىمداستىرىلدى

كورمەگە ق ر كوركەمسۋرەت اكادەمياسىنىڭ كوررەسپوندەنت-مۇشەسى، تانىمال سۋرەتشى دۋلات قوسپانوۆ، ق ر سۋرەتشىلەر وداعىنىڭ مۇشەلەرى يۋريي پوپوۆ، ماگومەد كوكۋرحويەۆتىڭ كارتينالارى كورەرمەن نازارىنا ۇسىنىلدى.

اسىرەسە، دۋلات قوسپانوۆتىڭ «وقجەتپەس»، «قاراساي باتىر مەن اعىنتاي باتىر»، «قىز قۋۋ» اتتى كارتينالارى - قازاق حالقىنىڭ وتكەن تاريحىن بەينەلەيتىن تاماشا تۋىندىلار.

تاريحي وبرازدارعا تولى تۋىندىلاردا قازاقتىڭ قايسارلىعى، قاراپايىمدىلىعى، وجەتتىلىگى، ورلىگى، كەڭدىگى كەڭىنەن سۋرەتتەلەدى.

ال قولدانبالى ونەر شەبەرى، بەلگىلى ءمۇسىنشى يۋريي پوپوۆتىڭ دا «پود گولۋبىم نەبوم»، «ستارتسى»، «دەرۆيش. بلاگايا ۆەست» اتتى تۋىندىلارىن ەرەكشە اتاپ وتۋگە بولادى. اۆتوردىڭ قۇم مەن سازدىڭ كۇيدىرىلگەن قوسىندىسىنان جاساعان مۇسىندەرى دە بىرىنەن- ءبىرى اجارلى، مازمۇندى. سونداي-اق، ماگومەد كوكۋرحويەۆتىڭ «سەدلو»، «تري سەسترى» كارتينالارى دا شىنايى وبرازدارعا تولى تاماشا تۋىندىلارى دا بار.

كورمەگە كەلۋشىلەرگە مۋزەي ديرەكتورى نۇربەك نۇرالين جادىگەرلەردىڭ ءمانى مەن ماڭىزى جايلى كەڭىنەن اڭگىمەلەپ بەردى.

سۋرەتتەر مايلى بوياۋمەن سالىنىپ، ءبىر-بىرىمەن ۇيلەسىم تاپقانداي. قىلقالام شەبەرلەرىنىڭ كارتينالارىن وقۋشىلار قىزىعا تاماشالادى. كورمە بارىسىندا ق ر سۋرەتشىلەر وداعىنىڭ مۇشەسى دۋجان ماعزۇموۆتىڭ دا «ءتاڭسارى»، «ۇندەستىك»، «تۇركى» تۋىندىلارى جۇرتشىلىق نازارىنا ۇسىنىلدى. «ءتاڭسارى» سۋرەتىندە قىزىل جانە كوك بوياۋلاردى قولدانعان شەبەر كومپوزيتسيالىق تۇتاستىقتى باستى ماقسات ەتىپ العان.

تاعى ءبىر ايتا كەتەرلىگى، كورمە بارىسىندا قوناقتاردى اتالمىش مۋزەيدىڭ عىلىمي قىزمەتكەرى گۇلزايرا ءسابيتوۆا جادىگەرلەر زالىمەن تانىستىردى. مۇندا قارۋ-جاراقتار مەن ەر-تۇرمان، اشەكەي بۇيىمدار، قولجازبالار، قازبا جۇمىستارى بارىسىندا تابىلعان قۇتى مەن 500 جىلدىق تاريحى بار ساپتاياق قويىلعان.

اسىرەسە، سال-سەرىلەر بۇرىشىندا اقتوقتىنىڭ جالمۇقاننان تۋعان بالاسى سۇلتاننىڭ دومبىراسى قويىلعان. سونداي-اق، اقتوقتىنىڭ «زينگەر» تىگىن ماشيناسىنا وقۋشىلار قىزىعۋشىلىق تانىتىپ، نازار اۋداردى. ال كيىز ءۇي بۇرىشىندا تۇرمىستىق بۇيىمدار قويىلعان. مۇندا دا ق ر سۋرەتشىلەر وداعى مەن اكادەمياسىنىڭ مۇشەسى يبراگيم يسەنوۆتىڭ كارتينالارى قاتىسۋشىلاردىڭ قىزىعۋشىلىعىن تۋدىردى. قازاق حاندىعىنىڭ 550 جىلدىعىنا وراي ۇيىمداستىرىلعان سۋرەتشىلەردىڭ كورمەسى ءبىر اي بويى جۇرتشىلىقتىڭ نازارىنا ۇسىنىلاتىن بولادى.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى