قازاق مەملەكەتتىگىنىڭ 550 جىلدىق مەيرەيتويىنا ارنالعان شارالارعا قانشا قارجى كەتەدى؟
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر مادەنيەت جانە سپورت ءمينيسترى ارىستانبەك مۇحامەدي ۇلى ايتتى.
«قازىرگى ۋاقىتتا ءىس- شارالار جوسپارىنا سايكەس رەسپۋبليكالىق بيۋدجەتتەن جانە جەرگىلىكتى اتقارۋشى ورگاندار تارابىنان، سونىمەن قاتار وزگە دە قارجى كوزدەرى تارتىلۋدا. مەن بۇل ءىس- شارالاردىڭ شىعىنى مول دەپ ايتا المايمىن»، - دەدى مينيستر.
ونىڭ ايتۋىنشا، شارالاردىڭ باسىم بولىگى تاريحي ءارى يدەولوگيالىق باعىتتا ۇيىمداستىرىلاتىن بولادى.
«قورىتىندى بۇقارالىق شارا قىركۇيەك ايىندا شۋ مەن تالاس ارالىعىندا وتكىزىلەدى. ال قالعانى - عىلىمي سالاعا قاتىستى شارالار. بۇدان بولەك، قازاق حاندىعى جايىنداعى سەريال تۇسىرۋگە ءبىرشاما قارجى كەرەك. ءبىراق ونىڭ كولەمى دايىندىق جۇمىستارى اياقتالعان سوڭ بەلگىلى بولادى» ، - ا. مۇحامەدي ۇلى.
اۆتور: مارلان جيەمباي
