ەندى ەرلەر 55 جاستا، ايەلدەر 51 جاستا زەينەتكە شىعا الادى
قازاقستاندا قازىرگى قولدانىستاعى زاڭناماعا سايكەس، 2018 -جىلدىڭ 1 -قاڭتارىنان باستاپ زەينەتاقى جيناعى اي سايىن تولەنەدى. بۇل زەينەتكەرلەردىڭ جيىنتىق زەينەتاقىسىن كوبەيتۋگە جانە تولەمدى الۋ مەرزىمىن ۇزارتۋعا سەپتىگىن تيگىزەدى، دەپ جازادى Sputnik.kz.
زەينەتاقى اننۋيتەتى ەرلەر مەن ايەلدەرگە زەينەتكە ەرتە شىعۋعا مۇمكىندىك بەرەدى. زەينەتاقى اننۋيتەتىن ساتىپ الۋ ءۇشىن ساقتاندىرۋ كومپانياسىمەن كەلىسىمشارتقا وتىراسىز. ءبىراق، ەڭ الدىمەن شوتىڭىزدا زەينەتاقى اننۋيتەتى كەلىسىمشارتىن بەكىتۋگە جەتكىلىكتى اقشا بولۋى كەرەك. ەگەر اقشاڭىز جەتىپ تۇرسا، ەرلەر 55 جاستان، ال ايەلدەر 2019 -جىلى 51 جاستان زەينەتكە شىعا الادى.
ايتا كەتسەك، ايەلدەردىڭ جاسى بىرتىندەپ 2027 -جىلى 55 جاسقا دەيىن وسەدى. زەينەتاقىنى قاي كەزدە بىردەن شەشىپ الۋعا بولادى زەينەت جاسىنا تولعاننان كەيىن شوتتاعى اقشا ەڭ تومەنگى زەينەتاقىنىڭ 12 ەسەلەنگەن مولشەرىنەن اسپاسا، وندا بىردەن تولىق كولەمدە شەشىپ الا الاسىز. 2019 -جىلى بۇل سوما 433296 تەڭگەگە تەڭ، ياعني بارلىق جيناعان زەينەتاقىڭىز وسى سومادان اسپاسا، تولىق الۋعا مۇمكىندىك بار دەگەن ءسوز. زەينەت جاسىنا جەتكەن سالىمشىلار جانە 1-، 2 -توپتاعى (ءومىر بويىنا مۇگەدەك بولىپ قالعاندار) مۇگەدەكتەر زەينەتاقى جيناعىن كەستە بويىنشا الا الادى. ساقتاندىرۋ كومپانياسىنا اۋدارىلۋى ءتيىس قاجەتتى سومانى ەسەپتەۋ ءۇشىن enpf.kz سايتىندا ورنالاسقان زەينەتاقى كالكۋلياتورىن قولدانىڭىز. دەرەكتەر ءبىرىڭعاي جيناقتاۋشى زەينەتاقى قورىنان الىندى.
