ۇلتتىق قوردىڭ ۆاليۋتالىق اكتيۆتەرى 55,1 ميلليارد دوللارعا جەتتى
بۇل تۋرالى ۇلتتىق بانك ءتوراعاسىنىڭ ورىنباسارى ءاليا مولدابەكوۆا ايتتى، دەپ حابارلايدى قازاقپارات ءتىلشىسى.
«الدىن الا دەرەكتەرگە سايكەس، ۇلتتىق قوردىڭ ۆاليۋتالىق اكتيۆتەرى وتكەن ايدا شامالى عانا وزگەرىپ، قازاننىڭ سوڭىندا 55,1 ميلليارد دوللارعا جەتتى. كەپىلدىك بەرىلگەن جانە نىسانالى ترانسفەرتتەردى ءبولۋ ءۇشىن قازاندا ۆاليۋتا نارىعىندا 988 ميلليون ا ق ش دوللارى سوماسىنا اكتيۆتەر ساتىلدى، بۇل 420 ميلليارد تەڭگەگە بالاما مولشەردى بىلدىرەدى. بۇل رەتتە، رەسپۋبليكالىق بيۋجەتتىڭ قاجەتتىلىگىن قاناعاتتاندىرۋ ءۇشىن ۇلتتىق قوردان شامامەن 428 ميلليارد تەڭگە ترانسفەرتتەر ءبولىندى»، - دەيدى ول.
سپيكەردىڭ سوزىنشە، قازاندا قورعا تۇسكەن ءتۇسىم 103 ميلليارد تەڭگە بولدى.
«ەگەر قىركۇيەكتە ءبىز نارىقتارداعى ايتارلىقتاي تۇزەتۋدىڭ كۋاسى بولساق، قازاندا اكسيالار نارىعىنىڭ قالپىنا كەلۋى جانە ونىڭ ودان ءارى ءوسۋى بايقالدى. ناتيجەسىندە، قازاننىڭ قورىتىندىسى بويىنشا ۇلتتىق قوردىڭ ينۆەستيتسيالىق كىرىسى وڭ قالىپتاستى جانە نەگىزىنەن اكسيالار مەن التىننىڭ تيىسىنشە %5,69 عا جانە %3,78 عا ءوسۋى ەسەبىنەن 871 ميلليون ا ق ش دوللارىن قۇرادى. ۇلتتىق قوردىڭ اكتيۆتەرىن تەڭگەرىمدى اللوكاتسيالاۋ ەسەبىنەن ينۆەستيتسيالىق كىرىس جىل باسىنان بەرى قالپىنا كەلىپ، 2 ميلليارد ا ق ش دوللارى نەمەسە 3,44 پايىز بولدى»، - دەپ ناقتىلادى ءاليا مولدابەكوۆا.
سوىنمەن قاتار، ول قاراشا ايىندا اكتسيالاردىڭ ءوسىمى جالعاساتىنىن جەتكىزدى.
«وسىعان بايلانىستى وسى ايدىڭ باسىنان باستاپ ۇلتتىق قوردىڭ ينۆەستيتسيالىق كىرىسى تاعى دا 470 ميلليون ا ق ش دوللارىنا ءوستى جانە جىلدىڭ باسىنان باستاپ 2,45 ميلليارد ا ق ش دوللارى نەمەسە %4,3 بولدى»، - دەدى ۇلتتىق بانك وكىلى.
