توقتار تولەشوۆكە جالپىلاما 54 جىلدىڭ جازاسى كەسىلدى

"توقتار ءجۇسىپ ۇلى تولەشوۆتى ق ر قىلمىستىق كودەكسىنىڭ 265-بابى، 3-تارماعى بويىنشا 11 -جىلعا؛ 266-بابى، 3-تارماعى بويىنشا مۇلكىن تاركىلەۋمەن قاتار 10 جىل بويى كوممەرتسيالىق مەكەمەلەردە باسشىلىق قىزمەتىن اتقارۋ قۇقىعىنان ايىرا وتىرىپ، 10 جىلعا؛ 179-باپ، 3 -تارماعىنا سايكەس 15 جىلعا؛ 182-بابى، 3-بابىنا سايكەس مۇلكىن تاركىلەۋمەن قاتار بەس جىل بويى كوممەرتسيالىق جانە جاۋاپتى ۇيىمداردا بەس جىلعا دەيىن باسشىلىق قىزمەتىن اتقارۋ قۇقىعىنان ايىرا وتىرىپ، 15 جىلعا؛ 367-بابى، 2-تارماعىنا سايكەس مۇلكىن تاركىلەۋمەن قاتار 3 جىلعا باس بوستاندىعىنان ايىرىلىپ؛ قىلمىستىق كودەكستىڭ 296-بابىنا سايكەس مەملەكەت پايداسىنا 200 ايلىق ەسەپتىك كورسەتكىش كولەمىندە تۇزەتۋ جۇمىستارىنا جەگۋ؛ 387-بابى، 1 -تارماعىنا سايكەس، مەملەكەتكە 200 ايلىق ەسەپتىك كورسەتكىش كولەمىندە اقشا قايتارۋعا مىندەتتەلسىن. قىلمىستىق كودەكستىڭ 58-بابى 4-تارماعىنا سايكەس، جوعارىداعى باپتاردى قوسا وتىرىپ، توقتار تولەشوۆتى مۇلكىن تاركىلەي وتىرىپ، 21 جىلعا باس بوستاندىعىنان ايىرۋ تۋرالى ۇكىم شىعارىلسىن»، - دەدى سۋديا.

توقتار تولەشوۆ جازاسىن قاتاڭ رەجىمدەگى كولونيادا وتەيتىن بولدى. سونداي-اق، سۋديا تولەشوۆتى "پولكوۆنيك" دارەجەسىنەن جانە ق ر پرەزيدەنتىنىڭ قاۋلىسىمەن بەرىلگەن "قۇرمەت" وردەنىنەن ايىرادى.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى