ق ر- نىڭ مۇناي- گاز سالاسىنداعى قازاقستاندىق ۇلەس 54 پايىزعا جەتتى - ۆ. شكولنيك
دەپ حابارلادى ەنەرگەتيكا ءمينيسترى ۆلاديمير شكولنيك ماڭعىستاۋ وبلىسىندا وتكەن جيىندا.
«اقتاۋداعى ايماقتىق جەرگىلىكتى قامتۋ ماسەلەسى جونىندەگى فورۋم اياسىندا ق ر ەنەرگەتيكا مينيسترلىگىنىڭ قولداۋىمەن، ماڭعىستاۋ وبلىستىق اكىمدىگى مەن جەر قويناۋىن پايدالانۋشىلار اراسىندا سوماسى 300 ميلليارد تەڭگەدەن استام بولاتىن مەموراندۋمعا قول جەتكىزىلدى»، - دەپ حابارلادى ق ر پرەمەر- ءمينيسترىنىڭ سايتى وبلىس اكىمدىگىنە سىلتەمە جاساپ.
«بۇگىنگى قول قويىلعان مەموراندۋمدار وتاندىق تاۋار وندىرۋشىلەردى قولداۋ مەن جۇمىس ورىندارىن ساقتاۋعا باعىتتالعان»، - دەدى ۆ. شكولنيك.
قۇجاتتارعا قول قويۋ بارىسىندا مينيستر مۇناي- گاز كومپانيالارى سوماسى 3 ترليون تەڭگەدەن اساتىن ونىمدەر، جۇمىستار جانە قىزمەتتەردى ساتىپ العانىن جانە ونىڭ 54 پايىز وتاندىق كاسىپورىندارعا تيەسىلى ەكەنىن اتاپ ءوتتى.
مينيستر وتكەن جىلدىڭ سوڭىندا ەلباسى نۇرسۇلتان نازۆاربايەۆتىڭ جولداۋىنا سايكەس 2020 - جىلعا دەيىنگى «نۇرلى جول» ينفراقۇرىلىمدى دامىتۋ مەملەكەتتىك باعدارلاماسى جاسالعانىن ەسكە سالدى.
سونداي- اق ول، قازاقستاندىق ۇلەستى ۇلعايتۋ ساياساتى وتاندىق بيزنەستى قولداۋ ىسىندەگى ماڭىزدى شارالاردىڭ ءبىرى ەكەنىن اتاپ ءوتتى.
«قازىر ەلدىڭ ءار ايماعىنىڭ ەكونوميكالىق سالالارىنىڭ سۋبەكتىلەرى بىرىگىپ، ءبىر جۇيەدە جۇمىس ىستەيتىن ۋاقىت كەلدى»، - دەدى ەنەرگەتيكا ءمينيسترى ۆلاديمير شكولنيك.
