كاپيتوليگە شابۋىل جاساعان 53 ادامنىڭ ءىسىن ا ق ش سوتى قاراپ جاتىر
تاعى شامامەن 40 ادامنىڭ ءىسى كولۋمبيا وكرۋگىنىڭ جوعارعى سوتىنا كەتتى. بۇل تۋرالى ا ق ش ادىلەت مينيسترلىگى مالىمدەدى، دەپ حابارلايدى قازاقپارات «امەريكا داۋىسى» باسىلىمىنا سىلتەمە جاساپ.
ولار كاپيتولييگە زاڭسىز ءارى قارۋمەن باسىپ كىرىپ، كومەندانتتىق ساعاتتى بۇزعانى جانە باسقا دا باپتار بويىنشا ايىپتالىپ وتىر.
«ا ق ش-تىڭ كاپيتولي عيماراتىنا باسىپ كىرۋ - ەلىمىزدىڭ نەگىزگى ينستيتۋتتارىنىڭ بىرىنە جاسالعان شابۋىل. ءبىزدىڭ مەكەمە باسقا دا قۇقىق قورعاۋ ورگاندارىمەن بىرلەسە وتىرىپ ا ق ش- تىڭ كاپيتولي عيماراتىنا شابۋىل جاساعان ازاماتتاردى انىقتاپ، تۇتقىنداپ، زاڭ جۇزىندە جازالاۋ ءۇشىن جەدەل ارەكەت ەتىپ، بار كۇشىن جۇمسايدى» دەپ مالىمدەدى ا ق ش پروكۋرورىنىڭ مىندەتىن اتقارۋشى مايكل شەرۆين.
ف ب ر ا ق ش كونگرەسىنىڭ اۋماعىنا جارىلعىش زات الىپ كىرگەن ادامدار تۋرالى اقپارات بەرگەندەرگە 50 مىڭ دوللار سىياقى بەرەمىز دەپ جاريالادى. ۆاشينگتون پوليتسەيلەرىنىڭ حابارلاۋىنشا، كاپيتولييگە شابۋىل جاساعان ادامدار تۋرالى مالىمەتىم بار دەگەن ازاماتتاردان 17 مىڭعا جۋىق حابارلاما تۇسكەن.
اۆتور: بالنۇر قوجاگەلدى
