مۇناي باعاسى 53 دوللاردان استى

لوندوندىق ICE Futures بيرجاسىنداعى ساۋدادا 30- قاڭتاردا Brent ماركىلى مۇنايدىڭ ءبىر باررەلىنىڭ قۇنى 53 دوللاردان استى. ناۋرىزدىق فيۋچەرستەردىڭ ەڭ جوعارى باعاسى $53,06/باررعا  جەتتى. ماسكەۋ ۋاقىتىمەن ساعات 22:48 جاعداي بويىنشا ناۋرىزدا جەتكىزىلەتىن Brent ماركىلى مۇناي باعاسى $52,17/بارر شاماسىندا بولدى، بۇل كەشەگى كۇنگى كورسەتكىشتەن $3,04 قىمباتتىراق.

WTI قۇنى نيۋ-يوركتەگى ساۋدادا كەرىسىنشە تومەندەۋدە. ماسكەۋ ۋاقىتىمەن ساعات 23:06 دەرەكتەر بويىنشا، WTI ناۋرىزداعى فيۋچەرستەرىنىڭ قۇنى $47,49/باررعا دەيىن تومەندەدى. بۇل 29- قاڭتاردا جابىلعان ساۋداداعى كورسەتكىشتەن $0,73 ارزان.

ساراپشىلار امەريكالىق مۇنايدىڭ ارزانداۋىن ا ق ش- تاعى بۇرعىلاۋ قوندىرعىلارىنىڭ سانىمەن بايلانىستى دەپ وتىر. 30- قاڭتاردا Baker Hughes كومپانياسى بۇرعىلاۋ قوندىرعىلارىنىڭ سانىن 1,223 مىڭعا دەيىن قىسقارتاتىنى تۋرالى حابارلاعان. ءبىر اپتانىڭ ىشىندە ولاردىڭ سانى 94 كە كەمىگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى