ەلىمىزدە 530 مىڭ ازامات باسپانا كەزەگىندە تۇر
«بۇگىنگى كۇنى 530 مىڭنان استام ازامات تۇرعىن ءۇي كەزەگىندە تۇر. كورسەتىلىپ جاتقان قولداۋدىڭ اشىقتىعىن قامتاماسىز ەتۋ ءۇشىن وسى جىلى كەزەكتە تۇرعانداردىڭ ءبىرىڭعاي رەسپۋبليكالىق بازاسى ىسكە قوسىلدى. وسى بازا مەملەكەتتىك ورگانداردىڭ اقپاراتتىق جۇيەلەرىمەن ينتەگراتسيالانعان جانە وندا تۇرعىن ۇيگە مۇقتاج ازاماتتار مەن كەزەكتە تۇرعاندار بويىنشا انىق مالىمەتتەر بار»، - دەدى كوميتەت ءتوراعاسى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
سونىمەن قاتار ول ەلباسىنىڭ جانە مەملەكەت باسشىسىنىڭ تاپسىرماسى بويىنشا ءبىرىنشى كەزەكتە كوپ بالالى وتباسىلار ساتىپ الۋ قۇقىعىنسىز جالعا بەرىلەتىن تۇرعىن ۇيمەن قامتاماسىز ەتىلەتىندىگىن ايتتى.
«باعدارلاما ىسكە اسىرىلعان كەزەڭ ىشىندە 30 مىڭ وتباسىنا تۇرعىن ءۇي بەرۋدى كوزدەپ وتىرمىز. ونىڭ ىشىندە بيىل 4835 وتباسى تۇرعىن ۇيمەن قامتاماسىز ەتىلەتىن بولادى»، - دەدى مارحابات جايىمبەتوۆ.
