دونالد ترامپ: ا ق ش يرانداعى 52 نىساندى اتقىلاۋعا دايىن

«بۇل ەسكەرتۋ بولسىن. ەگەر يران امەريكالىقتاردى نەمەسە امەريكالىق نىسانداردى اتقىلايتىن بولسا، ءبىز دە قازىردەن باستاپ يرانداعى 52 نىساندى كوزدەپ وتىرمىز (بۇل نىساندار يراننىڭ كوپ جىل بۇرىن تۇتقىنعا العان 52 امەريكالىقتى بىلدىرەدى). ول نىسانداردىڭ كەيبىرەۋى يران ءۇشىن، يران مادەنيەتى ءۇشىن اسا ماڭىزدى. سوققى وسى نىسانالاردى جانە يراندى كوزدەيدى، بۇل وتە جىلدام جانە وتە كۇشتى سوققى بولادى. ا ق ش قورقىتىپ- ۇركىتۋگە ەندى شىدامايدى!»، - دەپ جازدى ا ق ش پرەزيدەنتى.

ەسكە سالا كەتەيىك، ەكى كۇن بۇرىن باعدات حالىقارالىق اۋەجايىنا جاسالعان راكەتا شابۋىلىنان 8 ادام كوز جۇمدى. راكەتالار «ال-حاشد اش-شاابي» شييت جاساعىنا قارسى باعىتتالعان بولاتىن. كەيىننەن بۇل امەريكالىق پەنتاگوننىڭ وپەراتسياسى ەكەنى بەلگىلى بولدى.

ايتا كەتەيىك، راكەتا شابۋىلىنان قازا تاپقاندار اراسىندا يراندىق يسلام ريەۆوليۋتسياسى اسكەرلەرى كورپۋسىنىڭ ارنايى ماقساتتاعى «ال كۋدس» قارۋلى كۇشتەرىنىڭ قولباسشىسى كاسەم سۇلەيماني دە بار.

وسى جاعدايدان كەيىن مۇنايدىڭ الەمدىك نارىقتاعى باعاسى قىمباتتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى