بيۋدجەتكە جوسپاردان 52 ميلليارد تەڭگەگە ارتىق كىرىس ءتۇستى - سۇلتانوۆ

ونىڭ ايتۋىنشا، قازىرگى كەزدە بارلىق دەڭگەيدەگى بيۋدجەتتەردىڭ كىرىستەرى ارتىعىمەن ورىندالىپ وتىر. ماسەلەن، رەسپۋبليكالىق بيۋدجەتكە 1 تريلليون 157 ميلليارد تەڭگە كىرىس ءتۇستى.

ول باستاپقى جوسپاردان 52 ميلليارد تەڭگەگە، ال وتكەن جىلدىڭ العاشقى توقسانىمەن سالىستىرعاندا 137 ميلليارد.تەڭگەگە ارتىق. ال جەرگىلىكتى بيۋدجەتتەردىڭ ءوز كىرىستەرى 136 ميلليارد تەڭگەگە ارتىعىمەن ورىندالىپ، 540 ميلليارد تەڭگەنى قۇرادى. وسىنىڭ ارقاسىندا بيۋدجەت اقشاسىن ەل ەكونوميكاسىنا كوپتەپ قۇيۋعا مۇمكىندىك تۋدى.

«بيۋدجەت قاراجاتىنىڭ يگەرىلمەۋى ەكى ەسەگە ازايدى. ۇستىمىزدەگى جىلدىڭ بيۋدجەتىن ءتيىمدى ءارى تولىققاندى ورىندالۋىن قامتاماسىز ەتۋ ءۇشىن ونلاين مونيتورينگ قولعا الىندى. قۇرىلىس سالاسىنداعى مەملەكەتتىك ساتىپ الۋدى قازىناشىلىق باقىلاۋ جانە ءىرى ساتىپ الۋلاردا تەندەرلەردى ورتالىقتاندىرۋ ارقىلى وتاندىق وندىرۋشىلەردى قولداۋعا ارنالعان پيلوتتىق جوبالار باستالدى»، - دەپ اتاپ كورسەتتى سۇلتانوۆ.

ايتا كەتەيىك، ۇكىمەتتىڭ بۇگىنگى وتىرىسىندا ەلىمىزدىڭ الەۋمەتتىك-ەكونوميكالىق دامۋى بويىنشا العاشقى ءۇش ايدىڭ قورىتىندىسى قارالدى.

ق ر ۇلتتىق ەكونوميكا ءمينيسترى تيمۋر سۇلەيمەنوۆتىڭ ايتۋىنشا، بۇگىندە حالىقتىڭ نەسيەنى تەڭگەمەن كوپتەپ الا باستاعانى بايقالعان. بۇدان بولەك، ورتاشا جالاقىنىڭ كولەمى دە ءوسىپ وتىر.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى