قازاقستان مەن قىتاي 52 جوبا بويىنشا شارتقا قول قويدى
بۇل تۋرالى بۇگىن كورشىلەس مەملەكەتتىڭ ەلشىسى جاڭ حانحۋەي «ءبىر بەلدەۋ - ءبىر جول: قىتاي حالىق رەسپۋبليكاسىنىڭ قازىرگى سىرتقى ەكونوميكالىق ساياساتى» اتتى حالىقارالىق كونفەرەنتسياسىندا ءمالىم ەتتى.
ديپلوماتتىڭ پىكىرىنشە، قازاق ەلىنىڭ ازيا ينفراقۇرىلىمدىق ينۆەستيتسيالار بانكىنىڭ قۇرىلتايشى - مۇشەسىنە اينالۋى قارجى سالاسىنداعى قوس تاراپتىڭ ىنتىماقتاستىعىن ودان ءارى وربىتەدى. «جىبەك جولى» ەكونوميكالىق بەلدەۋىنىڭ قۇرىلىسى دا وسى باعىتتاعى قارىم-قاتىناستاردى دامىتۋعا زور ۇلەس قوسادى»، - دەيدى قىتاي ەلشىسى.
جاڭ حانحۋەي، ق ح ر قازاقستانداعى وكىلەتتى جانە توتەنشە ەلشىسى:
- مەنىڭ ويىمشا، ءبىز بىرلەسىپ جۇزەگە اسىراتىن جوبالار ەكى ەلدىڭ ەكونوميكاسىنا دا ءتيىمدى بولادى. ايتا كەتسەك، وتكەن جىل قازاقستان مەن قىتاي ءۇشىن وڭايعا سوقپادى. الەمدە بولىپ جاتقان ەكونوميكالىق احۋال ەشكىمگە دە اسەر ەتپەي قويمايدى. ءبىراق قازاقستان ۇكىمەتى قابىلداعان شەشىمدەر، ىسكە اسىرىلىپ جاتقان مەملەكەتتىك باعدارلامالار ەكونوميكانىڭ تۇراقتى قالىپتا دامۋىنا سەرپىن بەرمەك.
www.24.kz
