قازاقستاندا ءبىر ادامنىڭ اتىنا 51 مىڭ تەلەفون ءنومىرى تىركەلگەن

«ءبىر ايەلدىڭ اتىنا 51 مىڭ ءنومىردىڭ تىركەلگەنى انىقتالدى. تيىسىنشە ول ۇيالى بايلانىس كەڭسەلەرىنىڭ بىرىنە بارادى دا، سول 51 مىڭ ءنومىردىڭ يەسى رەتىندە وپەراتورعا ول ءنومىردىڭ بارلىعىن ءوشىرىپ، تەك بىرەۋىن قالدىرعىسى كەلەتىنى جايلى ءوتىنىش جازادى. ال 51 مىڭ ءنومىردىڭ ىشىندەگى ءبىرتالايىن باسقا ادامدار پايدالاندى عوي. تيىسىنشە، ول نومىرلەردىڭ بارلىعى دا وشەدى. ال 51 مىڭ ءنومىرى بار بولىپ شىققان ايەل سياقتى باسقا دا قازاقستاندىقتار بولۋى مۇمكىن»، - دەدى سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىگىنىڭ تەلەكوممۋنيكاتسيا كوميتەتىنىڭ ءتوراعاسى ۆيتالي ياروشەنكو مينيسترلىكتە تىلشىلەردىڭ سۇراعىنا بەرگەن جاۋابىندا.

ۆيتاليي ياروشەنكونىڭ ايتۋىنشا، ءنومىردى تىركەپ، ۇيالى تەلەفونعا بەكىتىپ الۋعا قازاقستاندىقتارعا بىلتىر جىل بويى ۋاقىت بەرىلگەن.

«ءدال وسىنداي جاپپاي ءوشىرۋ وسى جىلدىڭ 1 - قاڭتار مەن ءساۋىر ايلارىندا بولدى. تەلەفون بايلانىسى قاشان رەتتەلدى دەگەن سۇراقتى وپەراتورلارعا قويۋ كەرەك. مەنىڭ بىلۋىمشە، بايلانىس قۇرالدارىندا اقاۋلىق جوق»، - دەدى ول.

قازىر بايلانىسسىز قالعان ابونەنتتەرگە كوميتەت ءتوراعاسى وپەراتورلارعا جۇگىنۋگە كەڭەس بەردى.

«ءدال وسى ماسەلەنى ساۋال حات جولدادىق. ازىرگە جاۋاپ كەلگەن جوق. جالپى، ۇيالى بايلانىس وپەراتورلارى دۇرىس تىركەلمەگەن نومىرلەرگە 2019 -جىلدىڭ 1 - قاڭتارىنان باستاپ قىزمەت كورسەتۋدى توقتاتۋى كەرەك بولاتىن. البەتتە، زاڭناما نورمالارىن ورىنداماعانى ءۇشىن ولارعا شارا قولدانىلادى»، - دەدى ول.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى