الماتى رەسپۋبليكالىق بيۋدجەتكە بىلتىرعىدان 51 ميلليارد تەڭگە ارتىق قاراجات قۇيدى - اكىمدىك

 دەپ حابارلايدى قازاقپارات قالالىق اكىمدىكتىڭ باسپا ءسوز قىزمەتىنە سىلتەمە جاساي وتىرىپ.

قالالىق اكىمدىك ۇسىنعان مالىمەتكە سۇيەنسەك، مەگاپوليستە بۇل كۇندە 171,5 مىڭ شاعىن جانە ورتا بيزنەس سۋبەكتىسى جۇمىس ىستەيدى، بيىلعى جىلدىڭ العاشقى جارتىجىلدىعىندا ولاردىڭ سانى 5 پايىزعا ارتقان. قالادا سالىق ءتۇسىمى دە مولايعان. رەسپۋبليكالىق بيۋدجەتكە 645,2 ميلليارد تەڭگە تۇسكەن، بۇل وتكەن جىلدىڭ وسى كەزەڭىمەن سالىستىرعاندا 9 پايىزعا (51,1 ميلليارد تەڭگە) كوپ.

جەرگىلىكتى بيۋدجەتكە 184,2 ميلليارد تەڭگە سالىق قۇيىلعان، بۇل بىلتىرعى جىلدىڭ سايكەس كەزەڭىمەن سالىستىرعاندا 9 پايىزعا (15,2 ميلليارد تەڭگە) ارتىق.

 «2016 -جىلى وڭىرلىك جالپى ءونىم 2,6 پايىز نەمەسە 10,3 تريلليون تەڭگەنى قۇرادى. ۇستىمىزدەگى جىلدىڭ 6 ايى ىشىندە ەكونوميكانىڭ بارلىق سالالارىندا ءوسىم بايقالادى: بولشەك ساۋدا 6,8 پايىزعا، كوتەرمە ساۋدا 0,7 پايىزعا، ونەركاسىپ 4,7 پايىزعا، قۇرىلىس 0,7 پايىزعا، بايلانىس 4,9 پايىزعا، اۋىلشارۋاشىلىعى 62,8 پايىزعا ارتقان. تۇرعىن ءۇي سالۋ 15,6 پايىزعا، ينۆەستيتسيا كولەمى 235,7 ميلليارد تەڭگەگە ءوسىپ،  12,2 پايىزعا ۇلعايعان»، دەلىنگەن حابارلامادا.

 جالپى، 2017 -جىلعى قالا بيۋدجەتى 542,4 ميلليارد تەڭگە. وتكەن جىلى ۇنەمدەۋدىڭ ارقاسىندا جەرگىلىكتى بيۋدجەت 33 ميلليارد تەڭگەگە، ياعني 50 پايىزعا ارتتى. وتكەن جىلمەن سالىستىرعاندا جولداردى جوندەۋ مەن قۇرىلىس سالۋعا 2,8 ەسە، ال ينجەنەرلىك جەلىلەرگە 1,9 ەسە، اباتتاندىرۋعا 2,7 ەسە كوپ اقشا بولىنگەن.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى