وڭتۇستىك قازاقستان وبلىسىنان رەسەيگە 51 مىڭ توننا قاۋىن- قاربىز ەكسپورتتالدى

 دەپ حابارلايدى وبلىس اكىمىنىڭ باسپا ءسوز قىزمەتى.

 بيىل وبلىس بويىنشا 57 مىڭ گەكتار جەرگە قاۋىن- قاربىز ەگىلسە، ولاردان 224 مىڭ توننا ءونىم جينالىپ وتىر. جينالعان ءونىمنىڭ ىشىندە 166 مىڭ تونناسى - قاربىز، 58 مىڭ تونناسى - قاۋىن. ايماق ديقاندارى قازىرگى تاڭدا جينالعان باقشا داقىلدارىن جەرگىلىكتى ساۋدا ورىندارىنان بولەك، ەلىمىزدىڭ وزگە وڭىرلەرى مەن شەت ەلدەرگە ەكسپورتقا شىعارۋدا.

ماسەلەن، رەسەيگە 35 مىڭ توننا - قاربىز، 16 مىڭ توننا - قاۋىن، ال بەلارۋس ەلىنە 481 توننا قاۋىن- قاربىز جونەلتىلسە، لاتۆياعا 127 توننا قاۋىن ەكسپورتتالعان. قالعانى ەل نارىعىندا ساتىلۋدا.

 بۇگىندە باقشا داقىلدارىن ەگۋدە وبلىستاعى ەڭ ءىرى اگرو ايماق بولىپ سانالاتىن ماقتاارال اۋدانىنىڭ تۇرعىندارى 24 مىڭ گەكتار جەرگە باقشا ءونىمىن ەككەن. ديقاندار ەگىلگەن قاۋىن- قاربىزدان 74 مىڭ توننادان استام ءونىم جيناپ، ساۋدالاعان. ولار ءونىمنىڭ 70 پايىزىن شەتەلگە، قالعان 30 پايىزىن وتاندىق نارىققا شىعارعان. ماقتارالدىق ديقاندار بىلتىر ەكسپورت پەن ىشكى نارىقتى قوسا ەسەپتەگەندە 7,6 ميلليارد تەڭگەنىڭ قاۋىن- قاربىزىن ساتقان. بۇل قارجىنىڭ 70 پايىزى شەت ەلدەرمەن اراداعى ساۋدادان تۇسكەن. بيىل ەگىلگەن قاۋىن- قاربىزدىڭ كولەمى 1 مىڭ گەكتارعا ارتىق، سوندىقتان دا ءونىم كولەمى مەن تۇسەتىن تابىس بىلتىرعىعا قاراعاندا جوعارى بولادى دەپ كۇتىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى