قازاقستاندا ءدارى- دارمەكتەردى ءوندىرۋ كولەمى 51 پايىزعا ارتتى
دەپ حابارلايدى finprom.kz.
ماماندار تاراتقان مالىمەتتەر بويىنشا، 2016 -جىلدىڭ قاڭتار- قازانى ارالىعىندا قازاقستاننىڭ فارمايەۆتيكالىق كاسىپورىندارى وتكەن جىلعى سايكەس مەرزىممەن سالىستىرعاندا ءونىمدى 2,4 پايىزعا ارتىق وندىرگەن. بۇل سوڭعى 5 جىل ىشىندەگى ەڭ ۇلكەن ءوسىم.
بۇل رەتتە ءونىم وندىرۋدە بەلسەندىلىك تانىتىپ وتىرعان قازاقستاندىق فارم كومپانيالار سانىنىڭ دا 10 عا ارتقانىن ايتا كەتۋ كەرەك. ال، وتكەن جىلعى ءوسىم 9 بولاتىن. بيىلعى جىلدىڭ 10 ايىندا قازاقستاندىق كاسىپورىندار وتكەن جىلعىمەن سالىستىرعاندا 14 توننا ءدارى- دارمەكتى ارتىعىمەن وندىرگەن نەمەسە بۇل كورسەتكىش 51 پايىزعا جوعارى بولىپ وتىر.
ءوندىرىس كولەمىنىڭ ءوسۋى ءدارى- دارمەكتەرگە دەگەن بولشەك باعانىڭ كۇرت ارتۋىنا بايلانىستى بولىپ وتىر. 2016 -جىلدىڭ قاڭتار- قازان ايلارى ارالىعىنداعى قورىتىندى بويىنشا، بولشەك ساۋدامەن اينالىساتىن ءدارىحانالار جەلىسىندە ءدارى- دارمەكتەر مەن وزگە دە فارماتسيەۆتيكالىق پرەپاراتتار وتكەن جىلمەن سالىستىرعاندا 37 پايىزعا ارتقان.
