الەمدەگى ەڭ باي ادامدار 511 ميلليارد دوللار جوعالتتى
اگەنتتىكتىڭ مالىمەتى بويىنشا الەمدىك ساۋدا قاتىناسىنداعى جاعداي مەن ا ق ش- تاعى ەكونوميكالىق قۇلدىراۋدىڭ اسەرىنەن 2018 -جىلدىڭ سوڭىندا Bloomberg Billionaires Index تىزىمىندەگى 500 ءىرى كاسىپكەردىڭ جاعدايى 4,7 تريلليون دوللارعا ازايعان. ءتىزىم باسىندا Amazon كومپانياسىنىڭ باسشىسى دجەفف بەزوس تۇر. ول ءبىر جىلدا 53 ميلليارد دوللارىنان ايىرىلعان. جىل باسىندا ونىڭ جاعدايى 168 ميلليارد دوللاردى قۇراسا، جىل سوڭىندا 115 ميلليارد دوللار بولدى. باسىلىمنىڭ حابارلاۋىنشا، جىل باسىندا Amazon-نىڭ نەگىزىن قالاۋشىسىنىڭ جاعدايى مارك سۋكەربەرگتەن سالىستىرمالى تۇردە جاقسى بولعان. سەبەبى تسۋكەربەرگ كومپانياسىنا قاتىستى جانجالدان كەيىن 23 ميلليارد دوللاردان ايىرىلعان.
-173 رەيتىنگىندەگى امەريكالىق ميللياردەرلەر جىل باسىنان كاپيتالىنىڭ 5,9 پايىزىنان ايىرىلعان. ولاردىڭ جالپى جاعدايى 1,9 تريلليون دوللاردى قۇرايدى. ازيالىق بيزنەسمەندەردىڭ دە اكتيۆتەرى 144 ميلليارد دوللارعا ازايعان. ءبىراق بۇعان قاراماستان ازيادا ميلليونەرلەر سانى كوبەيە تۇسكەن. Bloomberg يندەكسى ايماقتاعى 39 جاڭا ميللياردەرلەردىڭ اتىن جاريالاعان. الايدا، ولاردىڭ كەيبىرىنىڭ مارتەبەسى ۇزاققا سوزىلماعان. جەلتوقسانداعى جاعداي بويىنشا ولاردىڭ 40 پايىزعا جۋىعى ون تاڭبالى ستاتۋسىن جوعالتتى. ساراپشىلار ەۋروپالىق ميللياردەرلەردىڭ اكتيۆتەرىنىڭ باعاسى تومەندەگەنىن انىقتادى. گەرمانيالىق Continental AG شينا ءوندىرىسىنىڭ اكتسيونەرى شەففلەر وتباسىنىڭ كورسەتكىشى 17 ميللياردقا تومەندەگەن.
www.24.kz
