كەلەسى جىلى ءبىلىم مەن عىلىمعا بيۋدجەتتەن 511 ميلليارد تەڭگە بولىنەدى

بۇل تۋرالى كەشە ماجىلىستە «2015-2017 - جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىنىڭ تانىستىرىلىمى بارىسىندا قارجى ءمينيسترى باقىت سۇلتانوۆ ءمالىم ەتتى.

«اتاپ ايتقاندا، ءبىلىم نىساندارىن سالۋعا ءۇش جىلدا 76 ميلليارد تەڭگە قاراستىرىلعان. ونىڭ ىشىندە  4 ميلليارد تەڭگە رەسپۋبليكالىق نىسانداردى، ال 72 ميلليارد تەڭگە جەرگىلىكتى ماڭىزى بار نىسانداردى سالۋعا جۇمسالادى. سونىمەن قاتار، «نازاربايەۆ ۋنيۆەرسيتەتى» جانە «نازاربايەۆ زياتكەرلىك مەكتەپتەرىن» دامىتۋعا ارنالعان نىسانالى سالىمدار 2015 - جىلى 64 ميلليارد تەڭگەنى قۇرايدى» ، - دەدى مينيستر ب. سۇلتانوۆ.

 ونىڭ سوزىنە قاراعاندا، ءبىلىم بەرۋدى دامىتۋدىڭ مەملەكەتتىك باعدارلاماسىن ىسكە اسىرۋدى جالعاستىرۋعا 2015-2017 - جىلدارى 300 ميلليارد تەڭگە جۇمساۋ جوسپارلانىپ وتىر. ال «بالاپان» باعدارلاماسى بويىنشا مەكتەپكە دەيىنگى ءبىلىم بەرۋ ۇيىمدارىندا مەملەكەتتىك ءبىلىم تاپسىرىسىن ىسكە اسىرۋعا جانە بالاباقشالار سالۋعا 2015-2017 - جىلدارى 330 ميلليارد تەڭگە كوزدەلگەن. وسى ماقساتقا 2015 - جىلى 96 ميلليارد تەڭگە قاراستىرىلادى.   

اۆتور:   قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى