حالىق سانى 50 گە جەتپەيتىن اۋىل تۇرعىندارى ەرىكتى نەگىزدە كوشىرىلمەك
«اۋىلداردى دامىتۋدىڭ 2023-2027 -جىلدارعا ارنالعان تۇجىرىمداماسىنىڭ اياسىندا شاعىن اۋىلدىق جەرلەردە (تۇرعىن سانى 50 ادامنان از) جانە دامۋ الەۋەتى بار اۋىلدىق ەلدى مەكەندەر تىزبەسىنە كىرمەگەن اۋىلدارداعى تۇرعىنداردىڭ تۇرمىس جاعدايىن جاقسارتۋ ءۇشىن رەسپۋبليكالىق بيۋدجەتتەن قارجىلاندىرىلاتىن باسقا ەلدى مەكەندەرگە كوشىرۋ جونىندە جاعدايلار بەرىلەتىن بولادى. وسىعان بايلانىستى جۇمىس كۇشىنىڭ ۇتقىرلىعىن ارتتىرۋ ءۇشىن ادامداردى ەرىكتى تۇردە كوشىرۋ قاعيدالارىنا ءتيىستى وزگەرىستەر ەنگىزىلەدى. الايدا، اۋىل تۇرعىندارىن ءبىر اۋىلدان ەكىنشى اۋىلعا قونىستاندىرۋ ماسەلەسى ەرىكتى تۇردە، ياعني تۇرعىنداردىڭ كەلىسىلگەن شەشىمى بويىنشا ىسكە اسىرىلادى»، - دەپ جازىلعان قازاقپاراتتىڭ ساۋالىنا بەرىلگەن جاۋاپتا.
سونداي- اق ەكونوميكا مينيسترلىگى «دامۋ الەۋەتى تومەن» اۋىلداردىڭ تىزبەسى قالاي جاساقتالاتىنى تۋرالى اقپارات بەردى.
«اۋىلدىق ەلدى مەكەندەردىڭ دامۋ الەۋەتىن ايقىنداۋ ءۇشىن ەلدى مەكەندەردىڭ باسىمدىق كورسەتكىشتەرىن ەسەپتەۋ ادىستەمەسى مەن مودەلدەرى وزەكتەندىرىلدى. ولشەمشارتتار 15 جيىنتىق كورسەتكىشتى قامتيتىن مىناداي 4 بلوكقا بولىنەدى: دەموگرافيالىق، ينفراقۇرىلىمدىق، ەكونوميكالىق جانە گەوكەڭىستىكتىك. ادىستەمەنى ازىرلەۋ كەزىندە 150 دەن استام باعالاۋ كورسەتكىشتەرى، ونىڭ ىشىندە حالىق سانىنىڭ ءوسۋ سەرپىنى، مال شارۋاشىلىعى مەن وسىمدىك شارۋاشىلىعىنىڭ جالپى قوسىلعان قۇنى، حالىقتىڭ جۇمىسپەن قامتىلۋىنىڭ ءوسۋ سەرپىنى، ولاردىڭ ءىرى ەلدى مەكەندەرگە جاقىندىعى جانە ت. ب. قارالدى. وسىنى نەگىزگە الا وتىرىپ، اۋىلدىق ەلدى مەكنەدەردىڭ ساناتتارى دامۋ الەۋەتى جوعارى، دامۋ الەۋەتى ورتاشا جانە دامۋ الەۋەتى تومەن بولىپ، جيىنتىق بالل نەگىزىندە ايقىندالادى. وسى جيىنتىق بالل كورسەتكىشتەرى ارقىلى «دامۋ الەۋەتى تومەن اۋىل» ايقىندالادى»، - دەلىنگەن مينيسترلىك جاۋابىندا.
