جۋرناليست توقبەرگەن ابيەۆ كاسىپكەردەن 50 ميلليون تەڭگە بوپسالاعان - انتيكور
بۇل تۋرالى قازاقپارات انتيكورعا سىلتەمە جاساپ حابارلايدى.
«وتكەن جىلى 14- جەلتوقساندا توقبەرگەن ابيەۆ 50 ميلليون تەڭگەمەن ۇستالىپ، سوتتىڭ سانكسياسىمەن 2 اي مەرزىمگە قاماۋعا الىندى. بۇدان باسقا، ابيەۆ مەملەكەتتىك ورگاندار قىزمەتكەرلەرى مەن ازاماتتاردى اداستىرۋ ماقساتىندا «سىبايلاس جەمقورلىققا قارسى كۇرەس دەپارتامەنتى» ج ش س جەكە زاڭدى تۇلعاسىن تىركەگەنى انىقتالدى. اتالعان ۇيىمنىڭ باسشىسى بولىپ كورىنىپ، سول ارقىلى بيلىك وكىلىنىڭ بەينەسىن جاساي وتىرىپ، ابيەۆ كاسىپكەرلەر مەن مەملەكەتتىك ورگانداردىڭ لاۋازىمدى ادامدارىنان ءوزىنىڭ جەكە مۇددەسى ءۇشىن ءىس-ارەكەتتەر جاساۋدى، سونداي-اق زاڭدا بەلگىلەنگەن ءتارتىپتى بۇزا وتىرىپ اقپارات پەن ماتەريالدار بەرۋدى تالاپ ەتتى»، - دەلىنگەن انتيكور حابارلاماسىندا.
اگەنتتىكتىڭ حابارلاۋىنشا، ابييەۆ تەك وزىنە-ءوزى قىزمەت ەتۋ سەبەپتەرىن كوزدەي وتىرىپ، اقشالاي سىياقىلار ءۇشىن جەكە تۇلعالارعا ءوز ۇيىمى قىزمەتكەرىنىڭ قىزمەتتىك كۋالىكتەرىن بەرىپ، ولاردى بيلىك وكىلىنىڭ مارتەبەسى تۋرالى جاڭىلىستىردى. الايدا، ابيەۆتىڭ قىزمەتى قۇقىق قورعاۋ ورگاندارىنىڭ جۇمىسىمەن ەشقانداي بايلانىستى ەمەس.
ابيەۆتىڭ باسقا دا وسىعان ۇقساس قىلمىستارعا قاتىسى تۋرالى اقپارات تەكسەرىلۋدە.
ەسكە سالساق، 2013-جىلى جۋرناليست توقبەرگەن ابيەۆ قوعام مەن بيلىكتىڭ نازارىن اۋدارتۋ ءۇشىن ءوزىنىڭ جوعالۋىن ءوزى ۇيىمداستىرعان ەدى. كەيىن «ءادىل ءسوز» قورى ءوزىنىڭ جوعالۋىن ءوزى ۇيىمداستىرعان ت. ابيەۆتى «قارا تىزىمگە» ەنگىزدى.
