پەتروپاۆلدا اراق-شاراپ ىشكەن 50 جاس ءوسپىرىمنىڭ اتا-اناسى ايىپپۇل تولەدى
سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، جاڭا وقۋ جىلى باستالعالى يۋۆەنالدىق پوليتسيا قىزمەتكەرلەرى تۇنگى رەيدتەردى جيىلەتكەن. ءتارتىپ ساقشىلارى تۇنگى كوشەلەردى ارالاپ، كومپيۋتەرلىك كلۋبتار، سونداي-اق اۋلالار مەن تۇيىق كوشەلەردى نازارعا العان.
پەتروپاۆلدا پوليتسەيلەر «نازار اۋدارىڭىز، بالالار!» ءىس-شاراسى اياسىندا قىركۇيەكتىڭ 1-نەن 2-نە قاراعان ءتۇنى قازاقستان كونستيتۋتسياسى كوشەسىندە جۇرگەن 11 جاس ءوسپىرىمدى انىقتاعان. ولاردىڭ اتا- انالارى ق ر اكىمشىلىك قۇقىق بۇزۋشىلىق تۋرالى كودەكسىنىڭ 442-بابى 2-بولىگى «كامەلەتكە تولماعانداردىڭ زاڭدى وكىلدەرىنىڭ ەرىپ ءجۇرۋىنسىز تۇنگى ۋاقىتتا ويىن-ساۋىق مەكەمەلەرىندە نەمەسە تۇرعىنجايدان تىس جەردە بولۋى» بويىنشا جاۋاپقا تارتىلدى.
«ءتارتىپ ساقشىلارى جەدەل- پروفيلاكتيكالىق ءىس-شارا بارىسىندا جاسوسپىرىمدەردىڭ تۇندە ءجۇرۋىنىڭ 13 فاكتىسىن انىقتادى. ەكى بالانىڭ سپيرتتىك ىشىمدىك ىشكەنى بەلگىلى بولدى. وقۋ ورىندارىندا پروفيلاكتيكالىق جۇمىستار جۇرگىزىلەدى، بالالارعا قۇقىق بۇزۋشىلىقتىڭ سالدارى، ناشاقورلىق ءقاۋپى، جولدا جانە قوعامدىق ورىنداردا قاۋىپسىز ءجۇرىس- تۇرىس ەرەجەلەرى تۋرالى ايتىلادى. تۇرمىسى قولايسىز وتباسىلار تۇراقتى باقىلاۋعا الىنعان»، - دەيدى پەتروپاۆل قالالىق پ ب ج پ ق يۋۆەنالدى پوليتسيا بولىمشەسىنىڭ باستىعى ەلميرا ابۋشەۆا.
جىل باسىنان بەرى پەتروپاۆلدا ءتۇرلى قۇقىق بۇزۋشىلىقتار ءۇشىن 750-دەن استام زاڭدى وكىل جاۋاپكەرشىلىككە تارتىلدى. ونىڭ 550 ى كامەلەتكە تولماعان بالالاردىڭ تۇنگى سەرۋەنى ءۇشىن، 50 ى جاسوسپىرىمدەردىڭ سپيرتتىك ىشىمدىكتەر ىشكەنى ءۇشىن جاۋاپكەرشىلىككە تارتىلدى. سونىمەن قاتار، جاسوسپىرىمدەردىڭ تۇنگى ۋاقىتتا بولۋىنا جول بەرگەن ويىن-ساۋىق مەكەمەلەرىنىڭ 12 يەسى جاۋاپكەرشىلىككە تارتىلدى.
