الماتىدا بيىل كەم دەگەندە 50 مىڭ جۇمىس ورنىن اشۋ مىندەتى تۇر - ماقسات قيقىموۆ
بۇل تۋرالى ونلاين بريفينگتە الماتى اكىمىنىڭ ورىنباسارى ماقسات قيقىموۆ مالىمدەدى، دەپ حابارلايدى قازاقپارات ءتىلشىسى.
«وتكەن جىلى جۇمىسسىزدىق % 5,3- دان % 5,1- عا دەيىن تومەندەدى. ەڭبەك مينيسترلىگى بەلگىلەگەن جوسپار بويىنشا 51,7 مىڭ، ءبىر جىلدا 55,5 مىڭ جاڭا جۇمىس ورنى قۇرىلدى. جۇمىسسىزدىقتى ازايتۋ بويىنشا جۇمىستار جالعاساتىن بولادى»، - دەدى ول.
بيىلعى جىلى 7 ۇلتتىق جوبا شەڭبەرىندە 13267 جۇمىس ورنىن قۇرۋ جوسپارلانۋدا. جەكە باستامالار اياسىندا 3 اكىمشى 500 جۇمىس ورنىن قۇرىپ، 20 جوبانى ىسكە اسىرادى:
تۋريزم باسقارماسى - 258
«جاسىل ەكونوميكا» - 198
سپورت - 44.
كاسىپكەرلىك سۋبەكتىلەرى قالانىڭ 8 اۋدانىندا 30994 جۇمىس ورنىن اشۋدى جوسپارلاپ وتىر: الاتاۋ اۋدانى - 3800
المالى اۋدانى - 4190
اۋەزوۆ اۋدانى - 4500
بوستاندىق اۋدانى - 4104
جەتىسۋ اۋدانى - 3500
مەدەۋ اۋدانى - 3700
ناۋرىزباي اۋدانى - 3400
تۇركسىب اۋدانى - 3800.
جالپى، اتالعان شارالاردىڭ ارقاسىندا كەم دەگەندە 50 مىڭ جۇمىس ورنىن قۇرۋ مىندەتى قويىلدى. بۇدان باسقا، الماتى اكىمى باقىتجان ساعىنتايەۆتىڭ تاپسىرماسى بويىنشا جاستاردى كاسىپتىك- تەحنيكالىق دايارلاۋ جانە جۇمىسسىزداردى قايتا وقىتۋ كۇشەيتىلىپ، كەيىننەن جۇمىسقا ورنالاستىرىلادى. ول ءۇشىن جۇمىسسىزداردى قىسقا مەرزىمدى وقىتۋ بويىنشا وقۋ باعدارلامالارى قايتا قارالادى (مەرزىمى - 3 اي). كاسىپكەرلىكتى دامىتۋ جونىندەگى ۇلتتىق جوسپار اياسىندا قوسىمشا 3 اي مەرزىمگە (كەيىننەن جۇمىسقا ورنالاستىرا وتىرىپ) 20 ا ە ك (61260 تەڭگە) تولەمدى سۋبسيديالاپ، جۇمىس بەرۋشىلەردە جۇمىس ورنىندا وقىتۋ بويىنشا جاڭا تەتىك ىسكە قوسىلادى.
«بيىلعى جىلدان باستاپ جاستار پراكتيكاسى بويىنشا جالاقى 25-تەن 30 اەك- كە دەيىن (91890 تەڭگە) ۇلعايتىلدى. بۇل جەتكىلىكسىز ەكەنىن ەسكەرە وتىرىپ، اكىمنىڭ تاپسىرماسى بويىنشا جەرگىلىكتى بيۋدجەتتەن قوسىمشا تاعى 10 اەك- كە تولەمدى ۇلعايتامىز، وسىلايشا جالاقى 122,5 مىڭ تەڭگەنى (40 اەك) قۇرايدى، وعان ءبىز 335,3 ميلليون تەڭگە بولدىك»، - دەدى ماقسات قيقىموۆ.
الماتى اكىمىنىڭ ورىنباسارى سونداي- اق، ەگەر بۇرىن جاستار تاجىريبەسى بويىنشا 6 ايعا جۇمىسقا ورنالاستىرۋ قاراستىرىلعان بولسا، قازىر ۇيىم ەرەجەلەرىنە وزگەرىستەر ەنگىزىلۋىنە بايلانىستى جولداما 1 جىلعا دەيىنگى مەرزىمگە جۇزەگە اسىرىلاتىنىن حابارلادى. بيىلعى جىلدان باستاپ جۇمىس ىستەيتىن مۇگەدەك ادامدارعا الەۋمەتتىك جۇمىس ورىندارىن سۋبسيديالاۋ مولشەرى 63 مىڭنان 92 مىڭ تەڭگەگە دەيىن ۇلعايتىلادى (9 اەك- كە نەمەسە 28 مىڭ تەڭگەگە، 405 ميلليون تەڭگە ءبولىندى). مۇگەدەكتىگى بار ادامدار ءۇشىن الەۋمەتتىك جۇمىس ورىندارىن ۇيىمداستىرۋ ەرەجەلەرى بويىنشا سۋبسيديا تولەمى جۇمىس بەرۋشى بەلگىلەگەن جالاقىنىڭ % 50 مولشەرىندە كوزدەلەدى. مۇگەدەك ادامداردى تارتاتىن بيزنەسكە جانە ۇكىمەتتىك ەمەس سەكتورعا جۇكتەمەنى ازايتۋ ءۇشىن اكىمنىڭ تاپسىرماسى بويىنشا جەرگىلىكتى بيۋدجەتتەن جالاقىنىڭ % 80- ى نەمەسە 92 مىڭ تەڭگە (91890 تەڭگە) سۋبسيديالاناتىن بولادى.
اۆتور: دۋمان ارعىنگەلدى
