بيزنەس اشۋ ءۇشىن اۋىل تۇرعىندارىنا 50 مىڭ شاعىن نەسيە بەرىلەدى

«كوروناۆيرۋس پاندەمياسىنا قاراماستان رەسپۋبليكانىڭ اگروونەركاسىپ كەشەنى 2020 -جىلى بارلىق ماكروكورسەتكىشتەر بويىنشا ءوسىم ديناميكاسىن كورسەتتى. اۋىل شارۋاشىلىعىنىڭ جالپى ءونىم كولەمى %5,6 عا ارتىپ، 6,3 تريلليون تەڭگەنى قۇرادى. بۇل ەۋرازيالىق ەكونوميكالىق وداق ەلدەرى اراسىنداعى ەڭ جوعارى ءوسىم كورسەتكىشى»، - دەيدى دەدى اۋىل شارۋاشىلىعى مينيسترلىگى ستراتەگيالىق جوسپارلاۋ جانە تالداۋ دەپارتامەنتىنىڭ باسشىسى ساۋلە مولدابايەۆا.

ونىڭ ايتۋىنشا، الداعى ۋاقىتتا بۇل ءوسىمدى ودان ءارى كوتەرۋ ءۇشىن مينيسترلىكتىڭ الدىنا ا و ك- دەگى ەڭبەك ونىمدىلىگىن 2,5 ەسە ارتتىرۋ، وڭدەلگەن ءونىم ەكسپورتىن 2 ەسە ۇلعايتۋ، ىشكى نارىقتى %80 دان استام دەڭگەيدە ازىق- تۇلىك تاۋارلارىمەن تولىقتىرۋ جانە 1 ميلليون اۋىل تۇرعىنىنىڭ تابىسىن تۇراقتى تۇردە كوتەرۋ مىندەتتەرى قويىلعان.

«وسى مىندەتتەرگە سايكەس، مينيسترلىك اگروونەركاسىپ كەشەنىن مەملەكەتتىك قولداۋ تيىمدىلىگىن جاقسارتۋ جۇمىسىن جۇرگىزىپ وتىر. اۋىل كاسىپكەرلەرىنە شاعىن نەسيە بەرۋ جالعاسادى. 2020 -جىلى اۋىل كاسىپكەرلەرىن قارجىلاندىرۋعا جالپى سوماسى 43,2 ميلليارد تەڭگە بولاتىن 11 مىڭنان استام شاعىن نەسيە بەرىلدى. بۇل قارجىنىڭ %60 ىن ءىسىن جاڭادان باستاعان كاسىپكەرلەر الدى. جالپى، شاعىن نەسيەلەندىرۋ باعدارلاماسى ءبىر جىل ىشىندە اۋىلداردا 11 مىڭ تۇراقتى جۇمىس ورنىن قۇرۋعا مۇمكىندىك بەردى. الداعى 5 جىلدا جالپى سوماسى 250 ميلليارد تەڭگە بولاتىن تاعى 50 مىڭ شاعىن نەسيە بەرۋ جوسپارلانىپ وتىر»، - دەيدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى