جامبىل وبلىسىندا بيلىكولگە 50 مىڭ دانا شاباق جىبەرىلدى

وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى اسلان ورازبەكوۆ بيلىكولگە ارنايى بارىپ، بالىق جىبەرۋ بارىسىمەن تانىستى. بارلىعى 50 مىڭ تۇقى تۇقىمداس شاباق ءتۇرى ارنايى كولىكپەن كولگە جىبەرىلدى. اتالعان كول بالىق شارۋاشىلىعى سۋ ايدىنى رەتىندە 2016 -جىلدىڭ 5-ساۋىرىندە جامبىل وبلىسى اكىمىنىڭ قاۋلىسىمەن «جۋالى ي ك» ج ش س- عا بەكىتىلىپ بەرىلگەن. ول جۋالى اۋدانىنداعى اۋماعى جاعىنان ۇلكەن سۋ ايدىن بولىپ كەلەدى. سوندىقتان بالىق شارۋاشىلىعىن جۇرگىزۋگە قولايلى ورىن رەتىندە ەرەكشە اتاپ وتۋگە تۇرارلىق.

«بۇعان دەيىن جۋالى وڭىرىندەگى «تەرىس- اشىبۇلاق« سۋ ايدىنىنا 10 مىڭ بالىق شاباعىن جىبەرىلگەن ەدى. سونداي- اق، وبلىس اۋماعىنداعى «شاپالوۆسكوە»، «جيەنالى»، «كەڭەس-2»، «تاسكول»، «اسپارا جانە قاراتۋما»، «ديحان»، «مايبۇلاق»، «5-فەرما» سۋ ايدىندارىندا 56 مىڭنان استام شاباق تۇرلەرى تاستالعان بولاتىن. بۇل شاباق تۇرلەرىنىڭ باسىم كوپشىلىگى وڭىرىمىزدەگى «ساندەل» شارۋا قوجالىعىنىڭ ءتالىمباعىنان تىكەلەي جەتكىزىلۋدە»، - دەيدى جامبىل وبلىسى اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى اسلان ورازبەكوۆ.

ايماقتاعى سۋ ايدىندارىن بالىقتاندىرۋ جۇمىستارى تۇراقتى تۇردە جالعاسپاق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى