مينيسترلىك: «50 مىڭ تەڭگە الۋ ءۇشىن ب ج ت تولەۋ قاجەت» دەگەن اقپارات جالعان
ق ر ەڭبەك جانە حالىقتى الەۋمەتتىك قورعاۋ مينيسترلىگى وسىلاي ءمالىم ەتتى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.
«مەسسەندجەرلەردە 50 مىڭ تەڭگە مولشەرىندە جاردەماقى تاعايىنداۋ ءۇشىن ەكىنشى دەڭگەيدەگى بانكتەردىڭ ءارتۇرلى شوتتارى ارقىلى ءبىرىڭعاي جيىنتىق تولەمدى (ب ج ت) تولەۋدى جۇزەگە اسىرۋ قاجەتتىلىگى تۋرالى تاراتىلعان اقپارات شىندىققا سايكەس كەلمەيدى»، دەلىنگەن حابارلامادا.
ق ر ەڭبەك جانە حالىقتى الەۋمەتتىك قورعاۋ مينيسترلىگى قازاقستاندا ب ج ت- نى ماجبۇرلەپ اۋدارۋعا «بايلانىستىرىلعان» ەشقانداي جاردەماقى، تولەم جوق دەپ حابارلايدى.
«ازاماتتاردان جالعان اقپاراتقا نازار اۋدارماۋىن جانە اقپاراتتى تەك رەسمي كوزدەردەن عانا الۋىن سۇرايمىز. جالعان اقپاراتتى تاراتۋ زاڭ بويىنشا جازالاناتىنىن ەسكە سالامىز»، دەلىنگەن حابارلامادا.
