سۇلەيمانيدى اقتىق ساپارعا شىعارىپ سالۋ كەزىندە 50 ادام قازا تاپتى

تاعى 200 دەن استام كىسى جارالانعان. بۇل تۋرالى جەرگىلىكتى تەلەارنالارعا سىلتەپ AP اقپارات اگەنتتىگى حابارلادى.

گەنەرالدى اقتىق ساپارعا شىعارىپ سالۋعا وتە كوپ ادام كەلدى. مىڭداعان تۇرعىن كەرمان ورتالىعىنا جينالىپ، كاسەم سۇلەيمانيدى ازا تۇتتى. قارالى كۇنگە بايلانىستى قالادا 7- قاڭتار جۇمىس توقتاعان.

كەرمان - يراننىڭ وڭتۇستىك شىعىسىنداعى قالا. قازا تاپقان گەنەرالدىڭ تۋعان جەرى.

بۇعان دەيىن گەنارالمەن قوشتاسۋ ءراسىمى تەگەران قالاسىندا دا بولعان. ءجۇز مىڭداعان ادام جينالعان شارادا سۇلەيمانيگە يراننىڭ رۋحاني كوسەمى اياتوللا ءالي حامەنەي قۇران وقىعان. جانازادان سوڭ جينالعاندار «امەريكاعا ءولىم» دەپ ايقايلاعان.

3- قاڭتاردا يران گەنەرالى كاسەم سۇلەيماني يراك استاناسى باعدات قالاسىندا قازا تاپتى. ول مىنگەن كولىكتى ا ق ش اۋە كۇشتەرى درونمەن اتقىلاعان. گەنەرالدى ءولتىرۋ تۋرالى بۇيرىقتى پرەزيدەنت دونالد ترامپ بەرگەن. ۆاشينگتون سۇلەيمانيدى «ءبىرىنشى تەرروريست» جانە «جۇزدەگەن ا ق ش ساربازىنىڭ ولىمىنە سول جاۋاپتى» دەيدى.

گەنەرال سۇلەيماني ەلدەگى يسلام ريەۆوليۋتسياسى كورپۋسىنىڭ «قۇدس» ارنايى جاساعىن باسقارعان جانە يراننىڭ شەت ەلدەردەگى اسكەري وپەراتسيالارىنا جەتەكشىلىك ەتكەن.

7- قاڭتار كۇنى يران پارلامەنتى ا ق ش اسكەرى مەن پەنتاگوندى «تەررور ۇيىم» دەپ اتادى جانە شەشىم ءبىراۋىزدان ماقۇلدادى.

«ازاتتىق»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى