انتاركتيدادان سوڭعى 50 جىل ىشىندە ەڭ ۇلكەن ايسبەرگ ءبولىنىپ شىقتى

ب ۇ ۇ- نىڭ مۇزداردىڭ ەرۋى بويىنشا جاساعان ەسەبىنە سايكەس، 2005-جىلدان بەرى تەڭىز دەڭگەيى XX عاسىرعا قاراعاندا 2,5 ەسە تەز كوتەرىلىپ كەلەدى. كليمات بويىنشا ب ۇ ۇ ساراپشىلار توبى ەگەر كومىرقىشقىل گازى وسى دەڭگەيدە (CO2) شىعارىلاتىن بولسا، مۇزدىڭ ەرۋى 2100-جىلعا قاراي ءتورت ەسە ارتاتىنىن ەسكەرتتى. ولاردىڭ پىكىرىنشە، ەگەر عالامشارىمىز جاھاندىق جىلىنۋ دەڭگەيىن يندۋسترياعا دەيىنگى دەڭگەيدەن 2 گرادۋسقا جوعارى ۇستاپ تۇرسا، بۇل ءوسۋ كورسەتكىشىن تۇراقتاندىرۋى مۇمكىن.

جالپى، ب ۇ ۇ ارنايى بايانداماسىنا سايكەس، تەڭىز دەڭگەيى سوڭعى 200 جىلدا 1 مەترگە كوتەرىلگەن.

مىسالى، جاقىندا انتاركتيدادان سوڭعى 50 جىل ىشىندەگى ەڭ ۇلكەن ايسبەرگ ءبولىنىپ شىقتى.

ونىڭ سالماعى 315 ميلليارد توننا، اۋماعى 1636 كۆادراد شاقىرىم.

«جاقىندا انتاركتيدادان سوڭعى 50 -جىلداعى ەڭ ۇلكەن ايسبەرگ ءبولىنىپ شىقتى. ونىڭ كولەمى شوتلانديانىڭ سكاي ارالىمەن تەڭ. مۇز تاۋعا D28 دەگەن ات بەرىلدى» دەلىنگەن تارالعان حابارلاردا.

اتالعان ايسبەرگ مۇز قۇرلىقتىڭ شىعىسىنداعى ەمەري جاعالاۋىنان ءبولىنىپ شىققان. بۇل جەردەن كىشى مۇزتاۋلار ءجيى ءبولىنىپ، مۇحيتقا ساياحاتتاپ تۇرادى. عالىمدار اتالعان مۇزتاۋدىڭ باعىتىن جاساندى جەر سەرىكتەرى ارقىلى مۇحيات زەرتتەۋدە.

سەبەبى، ول كەمەلەرگە قاتەر ءتوندىرۋى مۇمكىن.

ايتا كەتەيىك، شىلدە ايىنىڭ وزىندە گرەنلانديا مۇز قالقانىنىڭ 160 ميلليراد توننا مۇزى ەرىپ كەتكەن. سالىستىرۋ ءۇشىن ايتاتىن بولساق -  بۇل كولەمى «استانا ارەنا» ستاديونىنداي 160 ميلليون باسسەينگە تەڭ.

ءبىز وسىعان دەيىن «گرەنلانديا مۇزدىعى ەرىسە نە بولادى؟» اتتى قىزىقتى ماقالامىزدا گرەنلانديا مۇزدىعى كۇن ساۋلەسىن شاعىلىستىرىپ، عارىشقا قايتاراتىنى، وسىلاي عالامشارىمىزدى ىسىپ كەتۋدەن ساقتايتىنى تۋرالى جازعان ەدىك.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى